ХІордашна тІехь дуьне ДІахІоттийнарг а, хишна тІехь иза ЧІагІдинарг а Веза Эла ву.
Веза Эла! Хьан хедар боцу безам стигалшка дІакхочу, Хьан тешаме хилар мархашка кхочу.
Абаденналц уьш дІахІиттийна Цо. Цкъа а дІадовр доцу парз дина Цо.
Адамийн тІаьхье дІа а йолу, керла тІаьхье тІе а кхуьу, ткъа латта абаденналц лаьтта.
Сан куьйгаша кхоьллина латта, Сан аьтту куьйго дІасаяржийна стигалш. Ас латта а, стигал а тІекхайкхича, уьш Суна хьалха хІуьттур ду.
Амма Веза Эла волчу Аса боху: нагахь дийнаца а, буьйсанца а Айса бина барт а, иштта стигалах а, лаьттах а долу весеташ а Айса чІагІ ца динехьара,