Оцу дийнахь марсбаьллачу хІордо ен гІовгІа санна лаьтта тІехь мостагІа гІергІаш хир ву. Нагахь санна цхьаъ лаьтта хьаьжча, цунна бода а, бала а гур бу, ткъа мархаша серло дІакхоллур ю.
Шайна дошлойн а, секхаІад кхоссархойн а гІовгІа хезча, массо а гІаланашкара нах дІабовдур бу: цхьаберш хьехаш чохь дІаловчкъур бу, вуьш терхеш тІе хьалабевр бу. Массо а гІаланаш яссалур ю, шайна чохь дийна адам а доцуш.
Церан карахь гоьмукъаш а, секхаІедаш а ду, уьш къиза а, шайца къинхетам боцуш а бу. Уьш говрашкахь богІучу хенахь, карзахбаьллачу хІордах тера бу. Хьоьца тІом бан кийча бу уьш. Церан Іалашо – хьуна тІелатар ю, Бавел.