2
Сан хьехам, догІа санна, охьаоьхур бу, сан къамел, тхи санна, охьадогІур ду, сеналлина тІе догІу дерз санна хир ду, бацана тІе кхевсина догІа санна хир ду.
Ас аьлларг дийцаре а ца доккхура цара, сан дешнаш, догІа санна, царна тІеоьхура.
ДогІане санна, сатуьйсура цара соьга, бІаьстенан догІанан тІадамашна санна, шайн баганаш хьала а гІиттайора.
Иза хуьлийла, буц хьаькхначу бай тІе догІу догІа санна, лаьттана тІуналла луш долу догІанан тІадамаш санна.
ДогІа а, ло а, стигалара охьа а догІий, цара латта даша а дой, цу тІехь хьаладолург кхуьуьйту, ялта дІадуьйш волчунна хІу а, юуш волчунна юург а хуьлуьйтуш. ТІаккха бен уьш стигала юха ца доьрзу.
Иштта ду Сан багара схьадолу дош а – иза даьсса юха ца доьрзу Суна тІе. Цо Суна луург кхочушдо, Ас даийтина дош Іалашоне кхочу.
Якъубан халкъах дисина дакъа дуккха а долчу халкъашна юкъахь Везачу Элера долу тхи санна а, баца тІе догІу кхевссина догІа санна а хир ду. Дисина долу и халкъ адамах дозур а дац, цунах тешна Іийр а дац.