Веза Эла, суна иштта генахь хІунда ву Хьо? Со баланехь волуш къайла хІунда волу Хьо?
Дегнаш курадовларна къечарна тІаьхьабовлу Іесанаш. Шайна дагадаьхкинчу хІилланаша дІалоцийла уьш.
Шен синан лаамех дозалла до Іесачо. Шена харц пайда лоьхучо Веза Эла дІа а тосу, Цунна сардам а буллу.
Дозаллаш дарца Іесачунна моьтту, ша цхьаммо а жоьпе озор вац, Цуьнан цхьана а ойланехь Дела вац.