Цунна хІума дІадаккха лаахь, Иза хьаьнга сацалур ву? Хьан эр ду Цуьнга: „Ахьа иза хІунда до?“
Тхан Дела стигалахь ву, Цо Шена луъург а до.
Везачу Эло Шена луъург до стигалшкахь а, лаьтта тІехь а, хІордашкахь а, массо а хин кІоргенашкахь а.
Цу тІе, паччахьан дош уггаре а нуьцкъала ду, цундела хьан эр дара цуьнга: «Ахьа хІун леладо?»
хІунда аьлча массо а ницкъийн Везачу Эло къастийнарг хьаьнга дІадаккхалур ду? Цо кховдийна куьг хьаьнга сацалур ду?
Дерриг а халкъаш Цунна хьалха хІумма а яц. Уьш хІумма йоцучу хІуманал кІезиг а, даьсса а лоруш ду Цуьнан.
Дуьххьарлерчу деношкара схьа Со Дела ву. Сан куьйгах цхьаммо а кІелхьарвоккхур вац. Ас динарг хьаьнга юхадерзалур ду?»
Декъаза ву ша Кхоьллинчуьнца къийсалуш верг, лаьттах йинчу кхабанашна юкъахь цхьаъ бен йоцург! Поппаро куьпчичуьнга хоттур дуй те: «Хьо хІун деш ву?» Йинчу хІумано ша йиначух эр дуй те: «Цуьнан куьйгаш дац»?
Ткъа мила ву хьо, стаг, Делаца къийсавала? Йинчу хІумано эр дуй ша йиначуьнга: «Со иштта хІунда йина ахьа?»