ТІаккха паччахьо Ната-пайхамаре элира: «Хьажал, со баганан дечигах дина долчу цІенна чохь Іаш ву, ткъа Делан тІорказ четар бухахь лаьтташ ду».
Къа ду шун, цІенна тІе цІа а, аренна тІе аре а оьцучеран. Кхечарна меттиг ца юьту аша, шаьш бен хІокху лаьтта тІехь доцуш санна.
Сан лергашна хезаш берриг а ницкъийн Везачу Эло чІагІо йира: «Дуккха а долу и цІенош даьсса хир ду, даккхий а, хаза а долу уьш чохь Іаш нах а боцуш хир ду.