Уый фӕстӕ Хуыцау загъта: «
Ӕз Дунедарӕг дӕн, Мысыры зӕххӕй, цагъарады хӕдзарӕй, сымах Чи ракодта, уӕ уыцы Хуыцау.
Ӕз уӕ Хуыцау дӕн, ӕмӕ уын ӕндӕр хуыцӕуттӕ ма уӕд.
Уӕле арвыл цы ис, дӕле зӕххыл цы ис, зӕххӕй бындӕр доны цы ис, уыдонӕй уӕхицӕн мӕнгхуыцӕуттӕ ма аразут, сӕ нывтӕ дӕр сын ма дарут,
Ӕмӕ сын ма табу кӕнут ӕмӕ сӕм ма кувут; уымӕн ӕмӕ Ӕз Дунедарӕг дӕн, уӕ Хуыцау, ӕмӕ уын ӕндӕр хуыцӕуттӕ уа, уымӕн нӕ бабыхсдзынӕн. Ӕз ӕнӕуынон цы фыдӕлтӕн дӕн, уыдонӕн сӕ байзӕддаг ӕфхӕрын ӕртыккаг ӕмӕ цыппӕрӕм фӕлтӕрмӕ;
Мӕн чи уарзы ӕмӕ Мӕ фӕдзӕхстытӕм гӕсгӕ чи цӕры, уыдоныл та мин фӕлтӕрмӕ аудын.
Ӕнӕхъуаджы ма дзурут Дунедарӕджы, уӕ Хуыцауы, ном; Йӕ ном Ын ӕнӕхъуаджы чи дзура, уыцы адӕймаг Дунедарӕгӕй ӕнӕбафхӕргӕ нӕ аирвӕздзӕн.
Уӕ зӕрдыл дарут сабат, ӕмӕ уын уӕд Хуыцауӕн нывонд бон.
Ӕхсӕз боны кусут ӕмӕ аразут уеппӕт хъуыддӕгтӕ.
Ӕвдӕм бон та, сабат, раттут Дунедарӕгӕн, уӕ Хуыцауӕн. Уыцы бон мацы хъуыддаг аразут нӕдӕр уӕхӕдӕг, нӕдӕр уӕ фырттӕ, нӕдӕр уӕ чызджытӕ, нӕдӕр уӕ нӕлгоймаг ӕмӕ сылгоймаг цагъартӕ, нӕдӕр уӕ фос, нӕдӕр уе 'хсӕн цӕрӕг ӕрцӕуӕггаг.
Уымӕн ӕмӕ Хуыцау ӕхсӕз бонмӕ сфӕлдыста арв ӕмӕ зӕхх, денджыз, ӕмӕ денджызы цы ис, ӕппӕт уыдӕттӕ; ӕвдӕм бон та Йӕ фӕллад уагъта. Уымӕ гӕсгӕ Хуыцау арфӕ бафтыдта сабатыл ӕмӕ йӕ скодта бӕрӕг бон.
Нымай дӕ фыды ӕмӕ дӕ мады, ӕмӕ уӕд бирӕ фӕцӕрдзынӕ, Дунедарӕг, дӕ Хуыцау, дӕуӕн кӕй дӕтты, уыцы зӕххыл.
Ма амар.
Ма хӕт.
Ма адав.
Мӕнг ӕвдисӕн макӕй ныхмӕ ныллӕуу.
Ма дӕ ӕрхъӕуӕд кӕйдӕр хӕдзар; ма дӕ ӕрхъӕуӕд кӕйдӕр ус, нӕдӕр йӕ цагъар, нӕдӕр йӕ цагъар сылгоймаг, нӕдӕр йӕ гал, нӕдӕр йӕ хӕрӕг – иннӕмӕ цы ис, уымӕй дӕ зӕрдӕ мацӕмӕ бабӕллӕд».
Адӕм ӕппӕт дӕр федтой ӕмӕ фехъуыстой арвы нӕрын, арвӕрттывд, сыкъауадындзы уаст ӕмӕ фӕздӕгкалгӕ хох. Адӕм уыдӕттӕ куы федтой, уӕд фыртӕссӕй барызтысты ӕмӕ ӕрлӕууыдысты дӕрддзӕф.
Моисейӕн загътой: «Ды дӕхӕдӕг дзур немӕ, ӕмӕ дӕм хъусдзыстӕм, ӕрмӕст Хуыцау ма дзурӕд немӕ, науӕд амӕлдзыстӕм».
Моисей адӕмӕн загъта: «Ма тӕрсут, Хуыцау уӕ бафӕлварынмӕ ӕрцыди, цӕмӕй уӕм уа Хуыцауы тас ӕмӕ тӕригъӕды ма ӕфтат».
Адӕм лӕууыдысты дӕрддзӕф. Моисей та бацыди, Хуыцау кӕм уыд, уыцы бӕзджын ӕврагъмӕ.
Дунедарӕг загъта Моисейӕн: «Израилаг адӕмӕн зӕгъ афтӕ: „Сымах федтат, Ӕз арвӕй уемӕ куыд дзырдтон, уый.
Ма уын уӕд ӕвзистӕй кӕнӕ сыгъзӕринӕй конд хуыцӕуттӕ.
Нывондхӕссӕн мын саразут сыджытӕй, ӕмӕ йыл ӕрхӕссут уӕ иууылсудзинӕгтӕ ӕмӕ уӕ фарны нывондтӕ: уӕ фыстӕ ӕмӕ уӕ галтӕ. Мӕ ном мысынӕн уын кӕмдӕриддӕр бынат бацамонон, уырдӕм уӕм ӕрцӕудзынӕн ӕмӕ уыл Мӕ арфӕ бафтаудзынӕн.
Нывондхӕссӕн мын дуртӕй куы аразат, уӕд ӕй лӕгъзгонд дуртӕй ма саразут. Уымӕн ӕмӕ сӕм сартӕй куыддӕр бавналат, афтӕ сӕ фӕчъизи кӕндзыстут.
Ӕмӕ Мӕ нывондхӕссӕнмӕ асинтыл ма схизут, уӕ худинаг куыд нӕ разына, афтӕ.
Уыцы Моисей уыди ӕдзӕрӕг бӕстӕйы, Израилы адӕм кӕм ӕрӕмбырд сты, уым. Уыди, Синайы хохыл йемӕ цы зӕд дзырдта, уыимӕ ӕмӕ нӕ фыдӕлтимӕ, ӕмӕ райста цардӕгас ныхӕстӕ, цӕмӕй сӕ ӕрхӕсса махмӕ.
Уӕдӕ Ӕгъдау цӕй тыххӕй у? Хуыцау ӕй фӕстӕдӕр уӕлӕмхасӕнӕн радта адӕмы фыдракӕндты тыххӕй, зӕрдӕ Кӕмӕн бавӕрдӕуыд, уыцы Байзӕддаг цалынмӕ ӕрцӕуа, уӕдмӕ. Ӕгъдау ӕвӕрд ӕрцыди зӕдты ӕххуысӕй ӕмӕ ӕхсӕнылӕджы фӕрцы.
Зӕдты фӕрцы загъд цы ныхас ӕрцыд, уымӕн ӕнӕххӕстгӕнгӕ куы нӕ уыд, ӕмӕ-иу Ӕгъдау фехалыны ӕмӕ коммӕ нӕ бакӕсыны тыххӕй адӕймаг алкӕддӕр аккаг ӕфхӕрд куы баййӕфта,