Царна хьалха аса Барухана тІедиллира:
«Исраилан Дела волчу массо а ницкъийн Везачу Эло иштта боху: „ХІара эцаран кехаташ – мухІарца чІагІдина долу кехат а, иштта чІагІдаза долу кехат а – схьа а эций, кхийрачу кхаби чу дІадилла, уьш заманан йохаллехь лардайта“.
Хьажахьа, мостагІаша гІалина гонах, латта хьала а тесна, гунаш дина, шайна иза схьаяккха атта хилийта. Туьро а, мацалло а, Іожаллин уьно а гІалина тІелеташ болчу хашадхойн кара дІадолуьйтур ду цуьнан халкъ. Веза Эла, Ахьа аьлларг хуьлуш лаьтташ ду, иза Хьуна гуш а ду.