Книга От Матфея Cтих 39 | Параллельные места

Йесо сын загъта: «Цы курут, уый уӕхӕдӕг дӕр не 'мбарут. Ӕз цы хъизӕмӕртты кӕхц нуаздзынӕн, уый баназын [кӕнӕ Мӕныл цы аргъуыдӕй аргъуыдӕуы, ахӕм аргъуыд райсын] суыдзӕн уӕ бон?» Уыдон Ын дзуапп радтой: «Суыдзӕн». Уымӕн ӕмӕ Ӕз уӕларвӕй ӕрцыдтӕн, Мӕхи цы фӕнды, уый нӕ, фӕлӕ Мӕ Рарвитӕджы фӕндон ӕххӕст кӕнынмӕ. Ныр Мӕ уд фӕтыхст. Ӕмӕ Ӕз афтӕ зӕгъон: „Мӕ Фыд! Фервӕзын Мӕ кӕн ацы тухӕнӕй"? Ӕмӕ Ӕз ацы тухӕны тыххӕй куы ӕрцыдтӕн. Уый ӕрныллӕг кодта Йӕхи – афтӕ коммӕгӕс уыди, ӕмӕ амард, уыимӕ мӕлгӕ та дзуарыл акодта. Уый ма зӕххыл куы уыди, уӕд, дзыназгӕйӕ ӕмӕ цӕссыг калгӕйӕ, куывта ӕмӕ куырдта, мӕлӕтӕй Йӕ фервӕзын кӕнын Кӕй бон уыди, уыцы Хуыцауӕй, ӕмӕ Йӕ Уый фехъуыста, кӕй Йӕ нымадта, уый тыххӕй. Кӕд Хуыцауы Фырт уыди, уӕддӕр тухӕнты фӕрцы сси коммӕгӕс,

Йесо бацыд Йӕ ахуыргӕнинӕгтӕм, ӕмӕ сӕ фынӕйӕ куы баййӕфта, уӕд Петрӕн загъта: «Ау, ӕнӕ фынӕйӕ иу сахат Мемӕ нӕ бафӕрӕзтат?

Ма ныффынӕй ут ӕмӕ кувут, цӕмӕй фӕлварӕны ма бахауат. Уд цӕрдӕг у, буар та – ӕдых».

Ногӕй та фӕхибар ӕмӕ куывта: «Мӕ Фыд, кӕд Мын ацы хъизӕмӕртты кӕхцӕн ӕнӕ баназгӕ нӕй, уӕд Дӕу куыд фӕнды, афтӕ фӕуӕд».

Бацыди сӕм ӕмӕ та сӕ баййӕфта фынӕйӕ, уымӕн ӕмӕ сӕ цӕстытӕ ӕруӕззау сты.

Ӕмӕ та сӕ ныууагъта, фӕхибар ӕмӕ бакуывта ӕртыккаг хатт, уымӕй размӕ куыд куывта, афтӕ.

Уӕд бацыд Йӕ ахуыргӕнинӕгтӕм ӕмӕ сын загъта: «Ныр дӕр ма фынӕй кӕнут ӕмӕ уӕ фӕллад уадзут? Мӕнӕ ӕрцыди рӕстӕг, ӕмӕ Адӕймаджы Фырт лӕвӕрд цӕуы тӕригъӕдджынты къухтӕм.

Сыстут ӕмӕ цӕуӕм. Мӕнӕ ӕрбаввахс и Мӕ уӕйгӕнӕг».

Йесо Йӕ ныхас нӕма фӕци, афтӕ ӕрбацыд Иудӕ, дыууадӕс ахуыргӕнинагӕй иу. Алчертӕ ӕмӕ йын адӕмы хистӕртӕ йемӕ рарвыстой бирӕ адӕм кӕрдтӕ ӕмӕ хъилтимӕ.

Йесойы уӕйгӕнӕг сын радта ахӕм нысан: «Кӕмӕн аба кӕнон, Уый у, ӕмӕ Йӕ ӕрцахсут».

Ӕмӕ уайтӕккӕ бацыд Йесомӕ ӕмӕ Йын загъта: «Дзӕбӕх у, Равви!» Ӕмӕ Йын аба кодта.

Йесо йын загъта: «Хӕлар, цӕй тыххӕй ӕрбацыдтӕ?» Уӕд бацыдысты Йесомӕ, фӕлӕбурдтой Йӕм ӕмӕ Йӕ ӕрцахстой.

Йесоимӕ чи уыд, уыдонӕй иу фелвӕста йӕ кард, ныццавта дзы алчеры цагъары ӕмӕ йын йӕ хъус ахауын кодта.