Книга От Иоанна Cтих 34 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

От Иоанна Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

От Иоанна

1 2 3 4 5 6 7 8 9 10 11 12 13 14 15 16 17 18 19 20 21

Шуннан соң Гайсә яһүдләрнең Иерусалимда булган бер бәйрәменә килде.

Иерусалимда Сарык капкасы янында яһүдчә Бәйтхазда дип аталган буа баганалардан торган, түбәле биш корылма белән уратып алынган иде.

Анда бик күп авырулар: сукырлар, аксаклар һәм паралич суккан кешеләр [су кузгалуын кѳтеп]** яталар иде. [

Чѳнки, вакыт-вакыт, Раббының бер фәрештәсе, буага тѳшеп, суны болгата, һәм, су болгану белән, аңа беренче булып кергән кеше теләсә нинди авырудан да савыга икән.]

Шунда утыз сигез ел буе авырып ятучы бер кеше бар иде.

Гайсә, ул кешене күреп һәм аның озак вакыт урын ѳстендә ятуын белеп, аннан:– Савыгырга телисеңме? – дип сорады.

Авыру Аңа:– Әйе, Әфәндем. Ләкин су болганган вакытта мине буага тѳшерер кеше юк, мин анда барып җиткәнче, башка берәү инде тѳшеп ѳлгергән була, – дип җавап бирде.

– Тор, ятагыңны ал да йѳр, – диде аңа Гайсә.

Кеше шунда ук терелде һәм ятагын алып йѳреп китте. Бу хәл шимбә кѳнне булганга күрә,

яһүдләр савыккан кешегә:– Бүген шимбә кѳн, безнең канун буенча, син ятагыңны алып йѳрергә тиеш түгел, – диделәр.

Ул аларга:– Мине савыктырган Кеше миңа: «Ятагыңны ал да йѳр», – дип әйтте, – диде.

Аңардан:– Сиңа: «Ятагыңны ал да йѳр», – дип әйткән Кеше кем Ул? – дип сорадылар.

Гайсә җыелган халык арасына кереп югалганга, савыккан кеше Аның кем икәнен белми иде.

Соңрак, Гайсә аны Аллаһы Йортында очратып:– Менә син савыктың. Сиңа тагын да начаррак булмасын ѳчен, инде моннан соң гѳнаһ кылма, – диде.

Ул кеше, яһүдләр янына барып, үзен савыктыручының Гайсә икәнен әйтте.

Шушы эшне шимбә кѳнне эшләгәне ѳчен, яһүдләр Гайсәне эзәрлекли башладылар.

Гайсә аларга:– Минем Атам һәрвакыт эшли, Мин дә эшлим, – дип җавап бирде.

Яһүдләр Аны шимбә кѳнен бозуы ѳчен генә түгел, бәлки, бигрәк тә Аллаһыны Үземнең Атам дип атап, Үзен Аллаһыга тиңләгәне ѳчен дә үтерергә теләделәр.

Гайсә аларның бу теләкләренә:– Сезгә хак сүз әйтәм: Атасының нәрсә эшләвен күрмичә, Улы Үзе һичнәрсә дә эшли алмас, – диде. – Атасы нәрсә эшләсә, Улы да шуны эшләр.

Ата Үзенең Улын ярата һәм Үзе эшләгән һәр эшен Аңа күрсәтә. Ул Аңа сезнең исегез китәрлек моннан да зуррак эшләр күрсәтер әле.

Ата үлгәннәрне терелтеп җанландырган кебек, Улы да, кемне теләсә, шуны җанландыра.

Ата беркемне дә хѳкем итми, ә Үзен ихтирам иткән кебек, Улын да һәркем ихтирам итсен ѳчен, Ул бѳтен хѳкемне Улына тапшырды. Кем Улын ихтирам итми, шул Аны җибәргән Атаны да ихтирам итми.

Сезгә хак сүз әйтәм: Минем сүземне тыңлаучы һәм Мине Җибәрүчегә иман итүче кеше мәңгелек тормышка ия була. Ул кеше хѳкемгә дучар булмаячак, чѳнки инде үлемнән тормышка күчте.

Сезгә хак сүз әйтәм: Аллаһы Улының тавышын ишетеп үлгәннәр тереләчәк вакыт җитә һәм ул вакыт килеп җитте дә инде.

Үзендә тормыш булган кебек, Улында да булсын дип, Ата Улына тормыш бирде.

Ата Улына хѳкем итү хокукын да бирде, чѳнки Ул – Адәм Улы.

Моңа гаҗәпләнмәгез, чѳнки кабердәгеләрнең һәммәсе Аллаһы Улының тавышын ишетеп, яхшылык эшләгәннәр – яшәү ѳчен, ә явызлык эшләгәннәр – хѳкем ителү ѳчен каберләрдән чыгачак вакыт якынлашып килә.

Мин Үземнән Үзем бернәрсә эшли алмыйм. Ничек ишетсәм, шулай хѳкем итәм, һәм Минем хѳкемем гадел, чѳнки Мин Үз ихтыярымны түгел, бәлки Мине Җибәрүченең ихтыярын эзлим.

– Әгәр дә Мин Үзем Үземнең хакта шаһитлек бирәм икән, Минем шаһитлегем бернигә дә тормас иде.

Минем хакта шаһитлек бирүче башка Берәү бар, һәм Мин беләм: Аның Минем хакта биргән шаһитлеге хак.

Сез Яхъя пәйгамбәр янына кешеләр җибәрдегез, һәм ул хакыйкать хакында шаһитлек бирде.

Ләкин Мин кешеләрнең шаһитлегенә мохтаҗ түгел, ә боларны сез котылсын ѳчен сѳйлим.

Параллельные места

1. Иоанна 5:9

Без кешеләр шаһитлеген кабул итәбез, ә Аллаһының шаһитлеге бѳегрәк. Чѳнки бу – Аллаһы шаһитлеге: Ул Үзенең Улы хакында шаһитлек бирде.

Яхъя – янучы һәм нур бирүче яктырткыч иде, ә сез аның яктылыгы астында бераз вакыт кына куанырга теләдегез.

Әмма Минем шаһитлегем Яхъяныкыннан зуррак: Мин Атаның тѳгәлләргә дип Миңа биргән эшләрен башкарам. Мин эшләгән шул эшләр Мине Атам җибәргән булуына шаһитлек бирәләр.

Мине җибәргән Ата Минем хакта Үзе шаһитлек бирде. Сезнең беркайчан да Аның тавышын ишеткәнегез, йѳзен күргәнегез юк.

Аның сүзе сездә тормый, чѳнки сез Ул җибәргән Затка ышанмыйсыз.

Мәңгелек тормышка ия булырга теләп, сез Изге язмада язылганнарны тикшерәсез, ә алар нәкъ Минем хакта шаһитлек бирәләр.

Әмма сез тормыш алу ѳчен Минем яныма килергә теләмисез.

Кешеләрнең Мине данлауларына мохтаҗлыгым юк,

ә Мин сезне беләм: сездә Аллаһыны ярату юк.

Мин Атам исеменнән килдем – сез Мине кабул итмисез, ә үз исеменнән килгәнне кабул итәсез.

Сез бер-берегездән дан кабул итәсез, ә бердәнбер Аллаһыдан булган данны эзләмисез. Шулай булгач, сез ничек итеп ышана алырсыз икән?

Мин сезне Атам алдында гаепләрмен дип уйламагыз. Сезне гаепләүче – сез ѳмет баглаган Муса.

Сез Мусага ышансагыз, Миңа да иман китерер идегез, чѳнки ул Минем хакта язды.

Ул язганнарга ышанмый торып, Минем сүзләремә ничек ышанырсыз?

← Предыдущая

От Иоанна

1 2 3 4 5 6 7 8 9 10 11 12 13 14 15 16 17 18 19 20 21

Выбор основного перевода