Книга Деяния Cтих 20 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Деяния Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

Деяния

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

Һанани атлы берәү, үзенең хатыны Сапфира белән бергә, милкен сатып,

сатудан чыккан акчаның бер ѳлешен, хатыны белән сѳйләшеп, яшереп калдырды, ә калганын рәсүлләргә китереп бирде.

Әмма Петер: – Һанани! Ни ѳчен син шайтанга йѳрәгең белән идарә итәргә ирек бирдең? Хәтта, акчаның бер ѳлешен яшереп калдырып, Изге Рухка ялганларга уйлагансың, – диде. –

Сатмаган хәлдә ул милек синеке булып калачак иде түгелме соң? Сатканнан соң акчасы синең карамагыңда түгел идеме? Ни ѳчен син шундый ниятне йѳрәгеңә керттең? Син кешеләргә түгел, ә Аллаһыга ялганладың.

Шушы сүзләрдән соң Һанани җан биреп идәнгә ауды. Бу хәл турында ишеткән кешеләр куркып калдылар.

Һананиның үле гәүдәсен егетләр кәфенгә тѳреп алып чыгып киттеләр һәм күмделәр.

Ѳч сәгать чамасы үткәннән соң аның хатыны да килде. Ул булган хәлне белми иде әле.

Петер исә аңардан: – Әйт әле миңа, җирегезне шушы бәягә саттыгызмы? – дип сорады. Хатын аңа: – Әйе, шушы бәягә, – дип җавап бирде.

Әмма Петер: – Димәк сез Раббының Рухын сынап карарга сүз беркеттегез? Менә иреңне күмгән кешеләр ишектән кереп киләләр. Алар сине дә алып чыгачаклар, – диде.

Хатын шундук җан биреп идәнгә егылды. Егетләр, кергәч, аның үлгән булуын күрделәр һәм, алып чыгып, ире янына күмеп куйдылар.

Иман итүчеләрне һәм бу хәбәрне ишетүчеләрнең барысын кѳчле курку биләп алды.

Рәсүлләр кулы белән халык арасында күп галәмәтләр һәм могҗизалар кылынды. Иман итүчеләр бердәм рәвештә Сѳләйман әйванында очрашып тордылар.

Халык аларны хѳрмәт итте, ләкин беркем, үзе килеп, иман итүчеләргә кушылырга базмады.

Шулай да бик күп ир-атлар һәм хатын-кызлар Раббыга иман китерделәр һәм аларның саны арта барды.

Петер үтеп барганда, һич булмаса аның күләгәсе генә булса да тѳшсен иде, дигән теләк белән, авыруларны урамнарга чыгарып, ятакларга һәм түшәкләргә салдылар.

Иерусалимга якын-тирәдәге шәһәрләрдән бик күп халык килә иде. Алар алып килгән сырхаулар һәм шакшы рухлардан газап чигүчеләрнең барысы да савыкты.

Иң баш рухани һәм аның барлык тарафдарлары, ягъни саддукейлар тѳркемендәгеләр, кѳнләшеп,

рәсүлләрне кулга алдылар һәм халык зинданына ябып куйдылар.

Әмма тѳнлә белән Раббының бер фәрештәсе зиндан ишекләрен ачты:

– Барыгыз, бу яңа тормыш турында барысын да Аллаһы Йортында халыкка сѳйләгез, – дип, аларны чыгарып җибәрде.

Параллельные места

От Иоанна 6:63

От Иоанна 6:68

Рух Ул – тормыш бирүче, кешенең кѳче һичнинди файда китерми; Мин сезгә сѳйләгән сүзләр – рух һәм тормыш. Шимун Петер Аңа:– Раббым! Без кем янына барыйк соң? Мәңгелек тормыш сүзләре Синдә бит.

Рәсүлләр, тыңлаучанлык күрсәтеп, иртә таңнан Аллаһы Йортына килделәр һәм ѳйрәтә башладылар. Ә иң баш рухани һәм аның ярдәмчеләре, Исраил халкының аксакалларын чакырып, Югары киңәшмә җыйдылар. Рәсүлләрне алып килү ѳчен, тәртип саклаучыларны зинданга җибәрделәр,

әмма хезмәтчеләр, зинданда аларны тапмыйча, кире кайттылар.

– Без килгәндә зиндан ышанычлы бикләнгән, ишекләр янында сакчылар басып тора иде. Әмма, ишекләрне ачып эчкә кергәч, беркемне дә тапмадык, – диделәр алар.

Аллаһы Йортында тәртип саклаучылар башлыгы һәм баш руханилар, моны ишеткәч: – Тагын нәрсә булыр икән инде? – дип аптырашта калдылар.

Шул арада берәү килеп: – Әнә, карагыз, сез зинданга утырткан кешеләр Аллаһы Йортында халыкны ѳйрәтә, – дип әйтте.

Шуннан соң тәртип саклаучылар белән аларның башлыклары, шунда барып, халык таш ата башлар дип курыкканга күрә, кѳч кулланмыйча гына, рәсүлләрне алып килделәр.

Килеп җиткәч, аларны Киңәшмә алдына бастырдылар һәм иң баш рухани:

– Без сезгә бу исем турында ѳйрәтмәскә дип, катгый рәвештә әйткән идек түгелме? Ә сез үзегезнең тәгълиматыгызны бѳтен Иерусалимга тараттыгыз һәм ул Кешенең түгелгән канында безне гаепләргә теләп ашкынасыз, – диде.

Петер һәм башка рәсүлләр исә: – Без кешеләргә караганда күбрәк Аллаһыга итагатьле булырга тиешбез.

Аталарыбызның Аллаһысы сез агачка кадаклатып үтергән Гайсәне үледән терелтте.

Исраилгә тәүбә итү һәм гѳнаһлары кичерелү мѳмкинлеген бирү ѳчен, Аллаһы Аны Хаким һәм Коткаручы итеп Үзенең уң ягына күтәрде.

Без – бу эшләрнең шаһитләре. Һәм шулай ук Аллаһы Үзенә итагать итүчеләргә биргән Изге Рух та бу эшләргә шаһит, – дип җавап бирделәр.

Моны ишеткәч, Киңәшмә әгъзалары бик ярсыдылар һәм рәсүлләрне үтерергә теләделәр.

Шул вакыт бѳтен халык тарафыннан мѳхтәрәм канунчы, Гәмәлиил атлы бер фарисей торып басты һәм рәсүлләрне аз гына вакытка чыгарып торырга әмер бирде.

Рәсүлләр чыгып киткәч: – Исраил ирләре! – дип сүз башлады Гәмәлиил. – Бу кешеләр белән нәрсә эшләячәгегезне яхшырак итеп уйлагыз.

Моннан элегрәк үзен бик бѳек итеп күрсәтергә тырышучы Тәүдәс дигән кеше пәйда булды, аңа дүрт йѳзгә якын кеше иярде. Әмма ул үтерелү белән, аңа иярүчеләр тѳркеме юкка чыкты.

Шуннан соң сан алу кѳннәрендә гәлиләяле Яһүд пәйда булды һәм күпмедер халыкны фетнәгә котыртты. Әмма ул һәлак булганнан соң аңа ияргән халык та таралды.

Шуңа күрә хәзер сезгә әйтәм: бу кешеләргә тимәгез! Аларны җибәрегез! Чѳнки бу ният һәм бу эш кешеләрдән булса, ул юкка чыгачак.

Ә инде Аллаһыдан булса, сез аны юкка чыгара алмаячаксыз. Аллаһыга каршы кѳрәшүчеләр була күрмәгез, – диде ул.

Аксакаллар аның сүзенә колак салдылар. Рәсүлләрне чакырып керттеләр һәм кыйнаганнан соң, Гайсә исеме хакында ѳйрәтмәскә боерып, аларны иреккә җибәрделәр.

Рәсүлләр исә, Гайсә исеме ѳчен кимсетелүгә лаек булганнарына шатланып, Киңәшмәдән чыгып киттеләр.

Һәр кѳн Аллаһы Йортында һәм ѳйләрдә Яхшы хәбәрне – Гайсәнең Мәсих икәнлеге хакында сѳйләүләрен һәм ѳйрәтүләрен дәвам иттеләр.

← Предыдущая

Деяния

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

Выбор основного перевода