Хьох къайла ца делира сан даьІахкийн хІоттар, со къайлаха, лаьттан кийрахь волуш санна, кхоллалуш.
Хьан бІаьргашна гуш ма вара со дуьнен чу а валале. Хьан тептар тІехь дІаяздина ду Ахь суна билгалдаьхна долу дерриг а сан дахаран денош, уьш цхьа а дола а далале.
Хьо кхоьллинчу а, ненан кийрахь долуш дуьйна хьо дІанисдинчу а Везачу Эло иштта боху, ткъа Цо хьуна гІо дийр ду: „Кхера ма кхера, Сан ялхо йолу Якъубан тІаьхье, ма кхера, Ас хаьржина долу Сан хьоме халкъ.
ЛадогІа соьга, хІордан йистера долу къаьмнаш, ладогІа, генахь Іаш долу халкъаш! Со дуьнен чу а валале, Везачу Эло тІекхайкхина Со, ненан кийрахь волчу хенахь дуьйна, Сан цІе тиллина Цо.
Ткъа хІинца Шен Ялхо хила а, Якъубан тІаьхье Шена юхаерзорхьама а, Исраилан халкъ Шена тІе схьагулдайтархьама а кийрахь дуьйна Со винчу Везачу Эло боху – Везачу Элан бІаьргашкахь Сан сийдийр ду, ткъа Сан ницкъ Сан Делера бу. –
Цо соьга боху: «Хьо Сан Ялхо хилла Іийр вац, Якъубан тайпанаш юхаметтахІитто а, Исраилан халкъах бухабиснарш цІа берзо а. Ас хьох кхечу къаьмнашна серло йийр ю, Сан кІелхьардаккхар дуьненан массо а маьІІе кхачийта».
Со дуьненна тІе а валале, со къастийначу Дала, Ша суна динчу диканца,