Книга От Матфея Cтих 29 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

От Матфея Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

От Матфея

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

Алар Иерусалимга якынлашканда, Зәйтүн тавындагы Бәйтфәги авылына килгәч, Гайсә ике шәкертен җибәрде

һәм:– Алда күренеп торган авылга барыгыз. Шунда ук бәйдәге ана ишәк белән яшь ишәкне күрерсез. Аларны бәйдән ычкындырып, Миңа китерегез.

Кем дә булса берәр нәрсә әйтсә, аңа: «Алар Хуҗага кирәк», – дип әйтегез. Һәм ул ишәкләрне шунда ук җибәрер, – диде.

Бу – пәйгамбәр аша әйтелгән сүзләр гамәлгә ашсын ѳчен булды:

«Сион кызына әйтегез:„Менә Патшаң сиңа килә.Ул юаш; ишәккә һәм тайга,камыт кигезелгән ишәк баласына атланган"».

Шәкертләре, барып, барын да Гайсә кушканча эшләделәр.

Баласы белән ишәкне алып китерделәр. Ѳс киемнәрен ишәкләр ѳстенә салдылар һәм Гайсә аларга атланды.

Зур халык тѳркеме киемнәрен юл ѳстенә җәйделәр, башкалары исә агач ботакларын сындырып юлга салдылар.

Гайсәнең алдыннан һәм артыннан килүче зур халык тѳркемнәре:– Давыт Улына Һошанна!Раббы исеме белән Килүче мѳбарәк!Югарыда Һошанна! –дип кычкырдылар.

Гайсә Иерусалимга килеп кергәч, бѳтен шәһәр кузгалды.– Кем бу? – дип сораштылар кешеләр.

– Бу – Гайсә, Гәлиләядәге Насарадан пәйгамбәр, – дип җавап бирде халык.

Гайсә, Аллаһы Йортына кереп, барлык сатучыларны һәм сатып алучыларны куып чыгарды, акча алмаштыручыларның ѳстәлләрен һәм күгәрчен сатучыларның утыргычларын аударып ташлады.

Гайсә аларга әйтте:– Изге язмада: «Минем Йортым дога кылу йорты дип аталыр», – дип язылган, ә сез аны юлбасарлар оясына әйләндерәсез!

Аллаһы Йортында Гайсә янына сукырлар һәм аксаклар килде һәм Ул аларны савыктырды.

Ләкин баш руханиларның һәм канунчыларның, Ул эшләгән искиткеч эшләрне һәм балаларның Аллаһы Йортында: «Давыт Улына Һошанна!» – дип кычкыруларын күреп, ачулары чыкты.

Алар Аңа әйттеләр:– Аларның нәрсә әйтүләрен ишетәсеңме?– Әйе, – дип җавап бирде Гайсә. – Сез: «Балалар һәм нарасыйлар авызыннан Син Үзеңә мактау чыгарттың», – дип язылганны әллә укымадыгызмы?

Гайсә, аларны калдырып, шәһәрдән Бәйтәниягә китте һәм тѳнне анда үткәрде.

Иртә белән шәһәргә таба юл тотканда, Гайсәнең карыны ачты.

Юл буендагы инҗир агачын күреп, Ул аның янына килде, әмма яфрактан башка берни тапмагач, аңа:– Беркайчан да җимешең булмасын! – диде.Һәм шунда ук инҗир агачы корып тѳште.

Моны күреп, шәкертләренең исләре китте.– Ничек алай кинәт кенә инҗир агачы корып тѳште соң? – дип сорадылар алар.

– Сезгә хак сүз әйтәм: ышансагыз һәм икеләнмәсәгез, сез Мин инҗир агачы белән эшләгәнне генә эшләп калмассыз, әмма бу тауга: «Күтәрелеп, диңгезгә ташлан!» – дип әйтсәгез дә шулай булачак.

Һәм догагызда ни генә сорасагыз да, әгәр ышансагыз, алырсыз, – диде Гайсә.

Гайсә Аллаһы Йортына кереп, анда ѳйрәткән вакытта, янына баш руханилар белән халык аксакаллары килде.– Син боларны нинди вәкаләт белән эшлисең? Андый хокукны Сиңа кем бирде? – дип сорадылар алар.

– Мин дә сезгә бер сорау бирәм, – диде аларга Гайсә. – Әгәр сез җавап бирсәгез, Мин дә боларны нинди вәкаләт белән эшләвемне әйтермен.

Яхъяның суга чумдыруы кемнән булды? Күктәнме, әллә кешеләрдәнме?Алар үзара:– Әгәр: «Күктән», – дип әйтсәк, Ул: «Ә ни ѳчен сез аңа ышанмадыгыз?» – дип сораячак.

Ә инде: «Кешеләрдән», – дип әйтсәк, халык безне нишләтер? Алар бит барысы да Яхъяны пәйгамбәр дип исәпли, – диештеләр.

Шуңа күрә алар Гайсәгә:– Белмибез, – дип җавап кайтардылар.– Алай булгач, Мин дә сезгә боларны нинди вәкаләт белән эшләвемне әйтмим.

Ә менә бу хакта сез ни диярсез? Бер кешенең ике улы булган. Беренчесе янына килеп, ул әйткән: «Улым, бүген йѳзем бакчасына барып эшлә әле».

Тегесе: «Теләмим», – дип әйткән, әмма бераздан кире уйлап, киткән.

Параллельные места

От Матфея 7:21

Күк Патшалыгына Миңа: «Раббым! Раббым!» – дип әйтүче һәркем түгел, ә Күктәге Атам ихтыярын үтәүче генә керәчәк.

Атасы икенче улы янына килеп, шуны ук әйткән. Анысы исә: «Барам, әфәндем», – дип әйткән, әмма бармаган.

Аталарының ихтыярын кайсысы үтәгән?– Беренчесе, – дип җавап бирделәр тегеләр.– Ышаныгыз: Аллаһы Патшалыгына салым җыючылар һәм фахишәләр сездән алда керәчәкләр.

Чѳнки Яхъя сезгә тәкъвалык юлын күрсәтергә дип килгән иде, әмма сез аңа ышанмадыгыз. Ә салым җыючылар һәм фахишәләр аңа ышандылар. Сез, моны күреп тә, барыбер тәүбә итмәдегез һәм аңа ышанмадыгыз.

Хәзер икенче гыйбрәтле хикәяне тыңлагыз.Җир биләүче бер кеше булган. Ул йѳзем бакчасы утырткан, аны койма белән әйләндереп алган, йѳзем изү ѳчен чокыр казыган, бакчаны саклау ѳчен манара торгызган һәм бакчаны йѳзем үстерүчеләргә куллану ѳчен биреп, үзе чит якларга китеп барган.

Уңыш җыяр вакыт җиткәч, үз ѳлешен алырга дип, үзенең хезмәтчеләрен җибәргән.

Әмма йѳзем үстерүчеләр хезмәтчеләрен тотып, берсен кыйнаганнар, башкасын үтергәннәр, ѳченчесен ташлар атып үтергәннәр.

Хуҗа тагын да күбрәк хезмәтчеләрен җибәргән, әмма алар белән дә шулай ук эшләгәннәр.

Ниһаять, «Улыма хѳрмәт күрсәтерләр», – дип уйлап, улын җибәргән.

Әмма йѳзем үстерүчеләр хуҗаның улын күреп, бер-беренә: «Бу – варис. Әйдәгез, аны үтерик һәм аңа каласы мирас безнеке булыр», – диешкәннәр.

Алар аны тотып, йѳзем бакчасыннан алып чыгып үтергәннәр.

Шулай итеп, йѳзем бакчасының хуҗасы әйләнеп кайткач, бу йѳзем үстерүчеләр белән нәрсә эшләр?

– Ул явыз кешеләрне коточкыч рәвештә үтерер һәм йѳзем бакчасын башка йѳзем үстерүчеләргә кулланырга биреп торыр. Болар хуҗага тиешле ѳлешне вакытында бирерләр, – дип җавап бирделәр алар.

– Ә сез Изге язмада:«Тѳзүчеләр яраксыз дип кире каккан ташиң мѳһим почмак ташы булды.Бу Раббы тарафыннан эшләндеһәм безнең алда гаҗәп нәрсә», –дигәнне укымадыгызмыни? – диде Гайсә. –

Шуңа күрә, Мин сезгә әйтәм: Аллаһы Патшалыгы сездән алынып, аның җимешен китерүче халыкка биреләчәк.

Бу таш ѳстенә егылган һәркем челпәрәмә киләчәк, ә ул таш кемнең дә булса ѳстенә тѳшсә, аны сытачак.

Баш руханилар һәм фарисейләр Гайсәнең гыйбрәтле хикәяләрен ишетеп, Аның үзләре хакында сѳйләвен аңладылар.

Алар Гайсәне кулга алырга теләделәр, ләкин Аны пәйгамбәр дип исәпләгән халыктан курыктылар.

← Предыдущая

От Матфея

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

Выбор основного перевода