Книга От Иоанна Cтих 23 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

От Иоанна Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

От Иоанна

Следующая →

1 2 3 4 5 6 7 8 9 10 11 12 13 14 15 16 17 18 19 20 21

Шуннан соң Гайсә, яһүдләрнең Аны үтерергә эзләгәнлекләре сәбәпле, Яһүдиядә йѳрергә теләмәде. Шуңа күрә Ул Гәлиләядә йѳрергә булды.

Яһүдләрнең Чатыр кору бәйрәме якынлаша иде, һәм

энеләре:– Гәлиләядән Яһүдиягә бар, Син эшләгән эшләрне шәкертләрең дә күрсен.

Әгәр кеше үзен танытырга тели икән, эшен яшерен рәвештә эшләми. Шундый эшләр эшлисең икән, Үзеңне дѳньяга күрсәт, – диделәр.

Аңа хәтта энеләре дә иман итмәделәр.

Гайсә аларга әйтте:– Минем вакыт әле килеп җитмәде, ә сезнең ѳчен һәркайчан вакыт.

Дѳнья сезгә нәфрәт белән карамый, ә Миңа нәфрәтен күрсәтә, чѳнки Мин эшләренең явыз булганлыгына һәрвакыт шаһитлек биреп торам.

Сез бәйрәмгә барыгыз, ә Мин бармыйм, чѳнки Минем вакыт әле җитмәде.

Ул аларга шулай диде һәм Гәлиләядә калды,

әмма, энеләре киткәч, яшерен рәвештә Үзе дә бәйрәмгә барды.

Яһүдләр исә:– Ул кайда икән? – дип, Аны бәйрәмдә эзләп йѳрделәр.

Аның хакында халык арасында күп сүзләр йѳрде. Кайберләре:– Ул яхшы Кеше, – диде, башкалары исә:– Юк, Ул халыкны аздыра, – дип сѳйләде.

Әмма, яһүдләрдән куркып, Аның хакында беркем дә ачык итеп сѳйләмәде.

Ә инде бәйрәм уртасында Гайсә Аллаһы Йортына кереп ѳйрәтә башлады.

Яһүдләр:– Бу Кеше каян белә икән, Ул бит укымаган? – дип гаҗәпләнделәр.

Гайсә аларга әйтте:– Минем ѳйрәтүем Үземнеке түгел, бәлки Мине Җибәрүченеке.

Аның ихтыярын башкарырга теләгән кеше бу ѳйрәтүнең Аллаһыданмы икәнен яки Үземнән генә сѳйлим микәнен белер.

Үз исеменнән сѳйләүче үзенә дан эзли, ә Үзен Җибәрүченең данын эзләүче эчкерсез һәм Аңарда ялган юк.

Муса сезгә канун бирде түгелме? Ә сезнең берегез дә аны үтәми. Ни ѳчен Мине үтерергә йѳрисез?

Кешеләр:– Сиңа җен кагылдымы әллә? Кем Сине үтерергә йѳри? – диделәр.

Гайсә сүзен дәвам итте:– Мин бер эш эшләдем һәм сез һәммәгез шуңа гаҗәпләнәсез.

Муса сезгә сѳннәт бирде, – гәрчә ул Мусадан түгел, бәлки аталардан килә, – шуңа күрә шимбә кѳнне ир баланы сѳннәткә утыртасыз.

Муса кануны бозылмасын дип, шимбә кѳнне ир бала сѳннәткә утыртыла икән шимбә кѳнне бер кешене бѳтенләй савыктырганым ѳчен нигә Миңа ачуыгыз килә?

Параллельные места

От Марка 3:5

От Иоанна 5:8

Гайсә аларның каты күңелле булуларына ачынып, аларга ачу белән карап алды һәм кешегә әйтте:– Кулыңны суз!Ул кулын сузды, аның кулы савыкты. – Тор, ятагыңны ал да йѳр, – диде аңа Гайсә.

Тышкы күренешкә генә карап хѳкем итмәгез, бәлки дѳрес хѳкем итегез.

Шунда кайбер иерусалимлылар бер-берсенә:– Бу әллә яһүдләрнең башлыклары үтерергә теләгән Кешеме?

Әнә Ул ачыктан-ачык сѳйли, ә алар Аңа бер сүз дә әйтмиләр: әллә Аны чыннан да Мәсих дип уйлыйлар микән?

Әмма, Мәсих килгәндә, Аның кайдан икәнлеген беркем дә белмәс. Без исә бу Кешенең кайдан икәнен беләбез, – диделәр.

Гайсә, Аллаһы Йортында ѳйрәткәндә, тавышын кѳчәйтеп, болай диде:– Сез Мине беләсез һәм кайдан икәнемне дә беләсез. Ләкин Мин Үземнән Үзем килмәдем, һәм Мине Җибәрүче хак. Сез Аны белмисез,

ә Мин Аны беләм, чѳнки Мин Аннан килдем, Мине Ул җибәрде.

Алар Гайсәне тотып алырга теләделәр, ләкин берсе дә Аңа кул тидермәде, чѳнки Аның вакыты килеп җитмәгән иде әле.

Халык арасында исә, күп кешеләр Аңа иман китерделәр һәм:– Мәсих килгәч, бу Зат күрсәткәннән дә күбрәк илаһи билгеләр күрсәтер микән? – диештеләр.

Фарисейләр халыкның Гайсә хакында шундый сүз йѳрткәннәрен ишеттеләр, һәм баш руханилар белән фарисейләр, Аны тотып алу ѳчен, тәртип саклаучыларны җибәрделәр.

Гайсә:– Мин сезнең арада озак булмам, тиздән Үземне Җибәрүче янына кире кайтачакмын.

Мине эзләрсез, әмма тапмассыз. Мин булачак урынга сез килә алмассыз, – дип әйтте.

Шунда яһүдләр үзара:– Без таба алмаслык нинди урынга китмәкче була икән? Әллә греклар арасына таралып яшәүче безнекеләр янына китеп, грекларны ѳйрәтергә тели микән?

Аның: «Мине эзләрсез, әмма тапмассыз. Мин булачак урынга сез килә алмассыз», – дигән сүзләре нәрсәне аңлата икән? – диештеләр.

Бәйрәмнең соңгы, бѳек кѳнендә Гайсә торып басты һәм кѳчле тавыш белән әйтте:– Сусаган кеше Минем янга килсен һәм эчсен.

Миңа иман итүченең, Изге язмада әйтелгәнчә: «күңел түреннән елгалар булып тереклек суы агачак».

Ул моны Үзенә иман китергәннәр алачак Рух хакында әйтте; әле Гайсә данланмаганга, аларга Изге Рух бирелмәгән иде.

Аның бу сүзләрен тыңлап торган халык арасында кайберләре:– Ул – чынлап та вәгъдә ителгән Пәйгамбәр, – диделәр.

Берләре:– Бу – Мәсих.Ә башкалары:– Мәсих Гәлиләядән килер микән?

Изге язмада, Мәсих Давыт нәселеннән булачак һәм Давыт шәһәреннән – Бәйтлехемнән киләчәк, дип язылган түгелме? – диделәр.

Шулай итеп, халык арасында Гайсә хакында бәхәс чыкты.

Кайберләре Аны тотып алырга теләделәр, ләкин берсе дә Аңа кул тидермәде.

Тәртип саклаучылар баш руханилар белән фарисейләр янына кайткач, алардан:– Ни ѳчен Аны тотып китермәдегез? – дип сорадылар.Тегеләр:

– Берәүнең дә һичкайчан ул Кеше сѳйләгән кебек сѳйләгәне юк, – дип җавап бирделәр.

Фарисейләр аларга:– Әллә сез дә алдандыгызмы?

Башлыкларның яки фарисейләрнең берәрсе Аңа иман китердеме?

Ә канунны белмәүче бу халык ләгънәт ителгән.

Шунда фарисейләрнең берсе, Никәдим атлысы, ул элегрәк Гайсә янына килеп киткән иде:

– Башта кешене тыңламыйча һәм аның нәрсә эшләгәнен белмичә безнең канун аны хѳкем итәме? – диде.

– Әллә син дә Гәлиләядәнме? Тикшереп кара һәм күрерсең: Гәлиләядән һич тә пәйгамбәр чыкмас, – дип җавап бирделәр аңа.[

Барысы да ѳйләренә таралгач,

← Предыдущая

От Иоанна

Следующая →

1 2 3 4 5 6 7 8 9 10 11 12 13 14 15 16 17 18 19 20 21

Выбор основного перевода