Әйткән сүзләрен шәкертләре аңламадылар, әмма Гайсәдән сорарга курыктылар.
Әмма шәкертләр бу сүзләрдән бернәрсә дә аңламадылар; алар ѳчен бу сүзләрнең мәгънәсе яшерен иде, һәм алар әйтелгәннәргә тѳшенмәделәр.
Гайсә үледән терелтелгәч, шәкертләре Аның бу турыда әйткәнен исләренә тѳшерделәр һәм, Изге язмага да, Гайсә әйткән сүзләргә дә ышандылар.
Ул моны Үзенә иман китергәннәр алачак Рух хакында әйтте; әле Гайсә данланмаганга, аларга Изге Рух бирелмәгән иде.
Ә Минем исемемнән Ата җибәрәчәк Яклаучы-Юатучы – Изге Рух – сезне һәрнәрсәгә ѳйрәтәчәк һәм Мин сезгә сѳйләгәннәрнең һәммәсен дә хәтерегезгә тѳшерәчәк, – диде.