Книга От Иоанна Cтих 33 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

От Иоанна Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

От Иоанна

Следующая →

1 2 3 4 5 6 7 8 9 10 11 12 13 14 15 16 17 18 19 20 21

Коткарылу бәйрәменә алты кѳн кала, Гайсә Бәйтәния авылына килде. Ул авылда Гайсә үледән терелткән Лазар яши иде.

Анда Гайсә хѳрмәтенә аш мәҗлесе җыйдылар, Марта хезмәт күрсәтеп йѳрде, ә Лазар Гайсә белән бергә табын артында утыра иде.

Мәрьям, нард үсемлегеннән ясалган бер кадак бик кыйммәтле хуш исле саф май алып, Гайсәнең аякларын майлады да үзенең чәче белән сѳртте. Ѳй эче ислемайның хуш исе белән тулды.

Шунда Гайсәнең шәкертләреннән берсе – Аңа хыянәт итәчәк Яһүд Искариот:

– Ни ѳчен бу хуш исле майны, ѳч йѳз динарга сатып, фәкыйрьләргә ѳләшеп бирмәскә иде? – диде.

Ул моны һич тә фәкыйрьләр хакында кайгыртып түгел, бәлки карак булганы ѳчен әйтте. Уртак акча янчыгын йѳртү аның вазифасы иде. Ул аннан үзенә акча ала торган иде.

Гайсә моңа җавап бирде:– Калдыр Мәрьямне, ул бу эшне Мине күмү кѳненә саклады,

фәкыйрьләр һәрвакыт сезнең белән бит, ә Мин сезнең белән һәрвакыт бергә булмам.

Шул вакытта күп яһүдләр, Гайсәнең Бәйтәниядә икәнлеген белеп, шунда җыелдылар. Алар Гайсә ѳчен генә түгел, Ул үледән терелткән Лазарны күрү ѳчен дә килделәр.

Шунлыктан баш руханилар Лазарны да үтерергә карар чыгардылар,

чѳнки аның аркасында күп яһүдләр Гайсә янына килә һәм Аңа иман китерә иде.

Икенче кѳнне бәйрәмгә килгән халык арасында «Гайсә Иерусалимга килә икән» дигән хәбәр таралды.

Халык, хѳрмә ботаклары тотып, Гайсәне каршыларга чыкты һәм:– Һошанна!Раббы исеме белән КилүчеҺәм Исраил Патшасы мѳбарәк! –дип кычкырдылар.

Гайсә исә, бер ишәк табып, аңа атланды һәм һәммәсе Изге язмада язылганча булды:

«Сион кызы, курыкма!Менә, яшь ишәккә атланып,Синең Патшаң килә».

Аның шәкертләре ул вакытта моны аңламадылар, ә инде Гайсә данланганнан соң, Аның хакында шулай язылган булуын һәм Аңа нәкъ шулай эшләүләрен хәтерләренә тѳшерделәр.

Элек Гайсә белән бергә булган кешеләр Аның Лазарны кабердән чакырып чыгарып, үледән терелтүе турында сѳйләп бирделәр.

Аның шундый могҗизалы галәмәт кылганын ишеткәнгә, халык Аны каршыларга чыкты.

Фарисейләр исә үзара:– Күрәсезме, безгә бернәрсә дә ярдәм итми. Бѳтен дѳнья Аның артыннан бара, – диделәр.

Бәйрәмдә Аллаһыга табыну ѳчен килүчеләр арасында берничә грек та бар иде.

Алар Гәлиләядәге Бәйтсайдадан булган Филип янына килеп, аннан:– Әфәндем! Без Гайсәне күрергә телибез, – дип үтенделәр.

Филип бу турыда Әндригә әйтте, аннары алар икәүләп бу үтенечне Гайсәгә сѳйләделәр.

Гайсә аларга җавабында:– Адәм Улының данлану вакыты җитте, – диде.

– Сезгә хак сүз әйтәм: җиргә тѳшкән бодай бѳртеге үлмәсә, шул килеш калыр, ә үлсә, зур уңыш китерер.

Үзенең тормышын яратучы аны һәлак итәчәк, ә бу дѳньяда үз тормышын нәфрәт итүче аны мәңгелек тормыш ѳчен саклаячак.

Кем Миңа хезмәт итә, ул Миңа иярсен. Мин кайда булсам, Минем хезмәтчем дә шунда булыр. Миңа хезмәт итүчегә Атам ихтирам күрсәтер.

Күңелем Минем хәзер борчулы. Нәрсә әйтим? «Атам! Мине бу сәгатьтән коткар!» – дипме? Ләкин бу сәгатькә Мин нәкъ шуның ѳчен килдем дә.

Атам! Исемеңне данла.Шул вакыт күктән:– Мин данладым һәм данлаячакмын, – дигән тавыш ишетелде.

Шунда торган һәм моны ишеткән халык:– Күк күкрәде, – диде.Кайберләре исә:– Аңа фәрештә сѳйләде, – диделәр.

Моңа каршы Гайсә:– Бу тавыш Минем ѳчен түгел, бәлки сезнең ѳчен килде.

Бу дѳнья хәзер хѳкем ителә, хәзер бу дѳньяның мирзасы куып чыгарылачак.

Мин җирдән күтәрелгәннән соң барлык кешеләрне Үземә тартачакмын, – диде.

Ул моны Үзенең нинди үлем белән үләчәген белдереп әйтте.

Параллельные места

От Иоанна 18:32

От Иоанна 21:19

Бу Гайсәнең Үзенең нинди үлем белән үләчәгенә ишарә итеп әйткән сүзе тормышка ашсын ѳчен әйтелде. Ул бу сүзләрне Петернең нинди үлем белән Аллаһыны данлаячагын белдереп әйтте. Шуннан соң Гайсә аңа:– Минем артымнан бар, – диде.

Халык Аңа җавап бирде:– Без кануннан Мәсихнең мәңге яшәячәген белдек, ә Син, Адәм Улы күтәрелергә тиеш, дип ничек әйтәсең? Кем Ул – Адәм Улы?

Шунда Гайсә аларга:– Яктылык сезнең белән бераз вакыт булыр әле. Үзегезне караңгылык басмасын ѳчен, яктылык бар чагында йѳреп калыгыз, чѳнки караңгыда йѳрүче кая барганын белми.

Яктылык сезнең белән булган чакта яктылыкка иман китерегез, шул чакта сез яктылык балалары булачаксыз, – диде.Шушы сүзләрне әйткәннән соң Гайсә, китеп, халык күзеннән яшеренде.

Гайсә халык алдында шулкадәр күп могҗизалы галәмәтләр күрсәтсә дә, ул Аңа иман китермәде.

Ишагыйя пәйгамбәрнең:«Йа Раббым! Без сѳйләгән хәбәргә кем ышанды?Раббының кодрәте кемгә ачылды?» –дигән сүзләре тормышка ашты.

Алар иман китерә алмадылар, чѳнки Ишагыйя әйткәнчә:

«Ул аларның күзләрен күрмәс итте,йѳрәкләрен таш кебек катырды;Югыйсә алар күзләре белән күрерләр,йѳрәкләре белән аңларлар,Миңа таба борылырларһәм Мин аларны савыктырыр идем».

Ишагыйя бу сүзләрне Гайсәнең данын күргәнгә әйткән, ул шулай дип Аның турында сѳйләгән.

Хәер, башлыкларның да күбесе Аңа иман китерде, ләкин алар, фарисейләр гыйбадәтханәдән аерыр дип куркып, икърар итмәделәр,

чѳнки Аллаһы данына караганда кешеләр данын күбрәк яраттылар.

Гайсә исә кѳчле тавыш белән:– Миңа иман итүче Минем Үземә түгел, бәлки Мине Җибәрүчегә иман итә, – диде.

– Мине күрүче Мине Җибәрүчене күрә.

Миңа иман итүче караңгылыкта калмасын дип, Мин дѳньяга яктылык булып килдем.

Кем дә булса Минем сүзләремне ишетеп тә үтәми икән, аны хѳкем итмим, чѳнки Мин дѳньяны хѳкем итү ѳчен түгел, бәлки коткару ѳчен килдем.

Мине кире кагып, сүзләремне кабул итмәүченең үз хѳкем итүчесе бар: аны соңгы кѳндә Мин әйткән сүз хѳкем итәчәк.

Мин Үземнән сѳйләмәдем, нәрсә сѳйләргә, нәрсә әйтергә кирәклеге хакында Мине җибәргән Ата Миңа әмер бирде.

Мин Аның әмеренең мәңгелек тормыш икәнен беләм. Шулай итеп, Мин нәрсә сѳйлим – һәр сүзне Атам кушканча сѳйлим.

← Предыдущая

От Иоанна

Следующая →

1 2 3 4 5 6 7 8 9 10 11 12 13 14 15 16 17 18 19 20 21

Выбор основного перевода