Книга От Иоанна Cтих 27 | Параллельные места

Ул аларга:– Минем җаным чиктән тыш газап кичерә, монда кѳтегез һәм Минем белән бергә уяу булыгыз! – диде. Ул читкәрәк китте һәм җиргә йѳзтүбән капланып дога кылды:– Атам! Әгәр мѳмкин булса, Мине бу газаплар касәсеннән арындырчы! Хәер, Мин теләгәнчә түгел, ә Син теләгәнчә булсын. Гайсә аларга әйтте:– Минем җаным чиктән тыш газап кичерә, монда кѳтегез һәм уяу булыгыз! Мәрьямнең һәм аның белән килгән яһүдләрнең елауларын күреп, Гайсә Үзе дә борчылды һәм кѳенеп:

Атам! Исемеңне данла.Шул вакыт күктән:– Мин данладым һәм данлаячакмын, – дигән тавыш ишетелде.

Шунда торган һәм моны ишеткән халык:– Күк күкрәде, – диде.Кайберләре исә:– Аңа фәрештә сѳйләде, – диделәр.

Моңа каршы Гайсә:– Бу тавыш Минем ѳчен түгел, бәлки сезнең ѳчен килде.

Бу дѳнья хәзер хѳкем ителә, хәзер бу дѳньяның мирзасы куып чыгарылачак.

Мин җирдән күтәрелгәннән соң барлык кешеләрне Үземә тартачакмын, – диде.

Ул моны Үзенең нинди үлем белән үләчәген белдереп әйтте.

Халык Аңа җавап бирде:– Без кануннан Мәсихнең мәңге яшәячәген белдек, ә Син, Адәм Улы күтәрелергә тиеш, дип ничек әйтәсең? Кем Ул – Адәм Улы?

Шунда Гайсә аларга:– Яктылык сезнең белән бераз вакыт булыр әле. Үзегезне караңгылык басмасын ѳчен, яктылык бар чагында йѳреп калыгыз, чѳнки караңгыда йѳрүче кая барганын белми.

Яктылык сезнең белән булган чакта яктылыкка иман китерегез, шул чакта сез яктылык балалары булачаксыз, – диде.Шушы сүзләрне әйткәннән соң Гайсә, китеп, халык күзеннән яшеренде.

Гайсә халык алдында шулкадәр күп могҗизалы галәмәтләр күрсәтсә дә, ул Аңа иман китермәде.

Ишагыйя пәйгамбәрнең:«Йа Раббым! Без сѳйләгән хәбәргә кем ышанды?Раббының кодрәте кемгә ачылды?» –дигән сүзләре тормышка ашты.

Алар иман китерә алмадылар, чѳнки Ишагыйя әйткәнчә: