Книга От Матфея Cтих 23 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

От Матфея Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

От Матфея

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

Шуннан соң Гайсә янына шәкертләре килделәр һәм:– Күкләр Патшалыгында кем иң бѳеге? – дип сорадылар.

Гайсә бер баланы чакырып алып, алар каршына бастырды

һәм:– Сезгә хак сүз әйтәм: әгәр сез үзгәреп, шушындый балалар кебек булмасагыз, Күкләр Патшалыгына кермәячәксез, – диде.

– Кем шушы бала кебек үзен кече итеп тота, шул Күкләр Патшалыгында иң бѳеге булыр.

Һәм Минем хакка шушындый бер баланы кабул иткән кеше Мине кабул итә.

Әмма Миңа иман итүче шушындый кечкенәләрнең берсен юлдан яздыручыны, муенына тегермән ташын асып, тирән диңгез суында батырсалар, аның ѳчен яхшырак булыр иде.

Дѳньяга кайгы, чѳнки юлдан яздырырдай нәрсәләр күп! Вәсвәсәләрнең килүе котылгысыз, әмма алар кем аркылы килә, шуңа кайгы!

Әгәр сине кулың яки аягың вәсвәсәгә тѳшерсә, аны чабып, читкә ташла! Ике кулың һәм ике аягың белән мәңгелек утка ташлануга караганда, тормышка бер кулың белән яки аксак килеш керүең синең ѳчен яхшырак.

Әгәр күзең сине вәсвәсәгә тѳшерсә, аны суырып алып, читкә ташла! Ике күзең белән җәһәннәм утына ташлануга караганда, тормышка бер күзең белән керүең яхшырак.

Карагыз, бала кебек иман итүчеләрнең берсен дә түбәнсетмәгез. Сезгә әйтәм: аларның фәрештәләре һәрвакыт Күктәге Атамның йѳзен күреп торалар. [

Сез ничек уйлыйсыз? Әгәр берәүнең йѳз сарыгы булып, аның берсе югалса, ул кеше, туксан тугыз сарыгын тауларда калдырып, югалганын эзләп китмәсме икән соң?

Ә инде тапкач, сезгә хак сүз әйтәм: югалмаган туксан тугызга караганда, табылганына күбрәк куаныр.

Сезнең Күктәге Атагыз да шулай: кечкенәләрнең берсенең дә һәлак булуын теләми.

Әгәр туганың сиңа каршы гѳнаһ кылса, барып, гаебен үзенә генә фаш ит. Ул тыңласа, син туганыңны үзеңә кайтарган булырсың.

Ләкин тыңламаса, һәр очрак ике яки ѳч шаһит белән раслансын ѳчен, үзең белән бер яки ике кешене ал.

Әгәр аларны да тыңламаса, иман итүчеләр бердәмлегендә сѳйлә, ә инде бердәмлек әгъзаларын да тыңламаса, ул чакта аның белән мѳгамәләң мәҗүси, яки салым җыючы белән булган кебек булсын.

Сезгә хак сүз әйтәм: җирдә нәрсәне тыйсагыз, шуны күктә Аллаһы тыяр һәм нәрсәне рѳхсәт итсәгез, күктә Аллаһы да рѳхсәт итәр.

Тагын сезгә әйтәм: сезнең икегез җирдә, үзара килешеп, Күктәге Атамнан нәрсә генә сорасагыз да, Ул аны эшләячәк.

Чѳнки икәү яки ѳчәү Минем хакка җыелса, Мин дә алар белән булачакмын.

Шуннан соң Аның янына Петер килде һәм:– Раббым, туганымны, әгәр ул миңа каршы гѳнаһ кылса, ничә тапкыр кичерергә тиешмен? Җидегә кадәрме?

– Юк, җидегә кадәр түгел, ә җитмеш тапкыр җидегә кадәр, – диде аңа Гайсә. –

Күкләр Патшалыгы менә нәрсәгә охшаулы. Күз алдына китерегез: бер патша үзенең хезмәтчеләреннән хисап эшен таләп иткән.

Параллельные места

От Матфея 25:19

Күп вакыт үткәннән соң, хезмәтчеләрнең хуҗалары әйләнеп кайткан һәм алардан хисаплашуларын таләп иткән.

Акча хисабы эше башлангач, аңа ун мең талант бурычлы бер кешене китергәннәр.

Ул акчаларны кайтарып бирә алмагач, бурычын түләтер ѳчен, патша аның үзен дә, хатынын да, балаларын да, милкен дә сатырга әмер биргән.

Бу хезмәтче патша каршында йѳзтүбән капланып әйткән: «Бурычымны кѳтче! Мин сиңа барын да кайтарып бирәчәкмен!»

Хуҗасы, аны кызганып, бурычын бәхилләгән һәм хезмәтчесен җибәргән.

Ләкин бу хезмәтчесе, киткәч, үзенә бары тик йѳз динар тиешле хезмәттәшләренең берсен очраткан. Ул аның бугазына ябышып, буа башлаган. «Миңа бурычыңны түлә!» – дип таләп иткән.

Тегесе, тезләренә егылып, аңа: «Бурычымны кѳтче, мин кайтарып бирәчәкмен!» – дигән.

Әмма тегесе, риза булмыйча, бурычын түләгәнгә кадәр, аны тѳрмәгә утырткан.

Патшаның башка хезмәтчеләре, моны күреп, бик кайгырганнар һәм бар булган хәлне хуҗаларына сѳйләп биргәннәр.

Шуннан соң хуҗасы аны чакырып әйткән: «Яраксыз кол! Үтенгәч, мин синең бѳтен бурычыңны бәхилләдем.

Мин рәхимлек күрсәткән кебек, хезмәттәшеңә син дә рәхимлек күрсәтергә тиеш идең бит!»

Һәм ачуы чыккан патша, хезмәтчесе бѳтен бурычын түләп бетергәнгә кадәр, аны газаплаучылар кулына тапшырган.

Әгәр туганыгызны ихлас күңелдән кичермәсәгез, Күктәге Атам да сезнең белән шулай эшләячәк.

← Предыдущая

От Матфея

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

Выбор основного перевода