ЦІунах лаьцна аьлча, пхьеро иза эчигах вутту, ткъа дашо пхьеро цунна тІе деши а дуьллу, дато зІенашца иза кеч а во.
ХІораммо а шен накъостана гІо до, шен веше а олу: „ЧІагІлолахь!“
Царна юкъахь лелаш долу динан Іадат эрна ду: хьуьнхахь дитт схьа а хададой, пхьеро агарца цунах кеп йоккху,
Цунна тІе дети а, деши а дуьллий, хьостамашца дІатуху, охьа ца дожийта.
И цІуш кха тІе дІахІиттош йолу мунданаш санна ю. Уьш бист а ца хилало, уьш карахь дІасалелайо, шаьш уьш лела ца ло дела. Царах кхера ца оьшу, хІунда аьлча цаьрга вон далур дац, амма цаьргара диканиг а дер дац».