Книга Иезекииль Cтих 19 | Параллельные места

Изза Бавел-гІалина а хир ду: иза кхин хьалагІатталур йоцуш хи буха гІур ю, Везачу Эло цунна тІе бен болу бохам бахьана долуш». Цу тІехь Ярми-ЯхІун дешнаш чекхдовлу. Ас хьох къемате масала дийр ду, ткъа хьо кхин цкъа а хир яц. Хьо наха лоьхур ю, амма кхин цкъа а хьо карор яц». Иштта боху Хьалдолчу Эло. Кхечу къаьмнех болчу совдегарша гІайгІанца шакарш етта. Хьо къемате хІаллакьхилла яьлла, ткъа кхин цкъа а юха хир а яц’“».

Соьга Везачу Элан дош кхечира:

«Адаман кІант! ЦІадан-гІалина дуьхьал вист а хилий, цунна дуьхьал Соьгара болу хаам бе.

ДІаала цуьнга, Хьалдолчу Эло хІара боху алий: „ЦІадан-гІала, Со хьуна дуьхьалвер ву. Хьуна чохь Со гІаравер ву. Ас шайна кхел йинчул тІаьхьа а, Сайн возалла шайна юкъахь Аса гучуяьккхинчул тІаьхьа а, хуур ду хьан адамашна, Со Веза Эла вуйла.

Ас хьуна тІе Іожаллин ун а хьажор ду, хьан урамашкахь цІий а Іанадойтур ду. ГІалара адам царна гонах болчу мостагІийн карах хІаллакьхир ду. ТІаккха хуур ду царна, Со Веза Эла вуйла.

Исраилан халкъана гонах йолчу а, цунна кхиссарш йинчу а пачхьалкхаша кхин цкъа а, коканийн коьллаша я кІохцалша санна, лазор яц иза. ТІаккха хуур ду исраилхошна Со Хьалдолу Эла вуйла“».

Иштта боху Хьалдолчу Эло: «Шаьш дІасадаржийна долчу къаьмнашна юкъара Айса Исраилан халкъ схьагулдича, Аса Сайн возалла гойтур ю массо а халкъашна хьалха. ТІаккха Исраилан халкъан бахархой шайн долахь болчу а, Аса Сайн ялхо волчу Якъубана белла болчу а махкахь Іийр бу.

Уьш цу тІехь цхьанххьара а кхерам боцуш бехар бу, цара цІенош а дийр ду, кемсийн бошмаш а югІур ю. Уьш кхерам боцуш Іийр бу, царна кхиссарш еш хиллачу, царна гонахарчу массо а къаьмнашна тІехь Ас кхел йича. ТІаккха хуур ду царна, Со церан Веза Дела вуйла».

← Предыдущая

Иезекииль

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48

Выбор основного перевода