Книга От Иоанна Cтих 37 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

От Иоанна Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

От Иоанна

Следующая →

1 2 3 4 5 6 7 8 9 10 11 12 13 14 15 16 17 18 19 20 21

Үтеп барышлый, Гайсә тумыштан ук сукыр бер кешене күрде.

Шәкертләре Аннан:– Остаз! Бу кешенең сукыр булып тууы кемнең гѳнаһыннан: бу кеше үзе гѳнаһ кылганмы, әллә ата-анасымы? – дип сорадылар.

Гайсә җавап бирде:– Бу кеше үзенең гѳнаһы ѳчен дә, ата-анасының кылган гѳнаһы ѳчен дә сукыр түгел. Ул, аның авыруы аша Аллаһы эшләре күренсен ѳчен, сукыр булып туды.

Кѳн үткәнче без Мине Җибәрүченең эшләрен башкарырга тиешбез. Тѳн җитә, ул чакта һичкем берни эшли алмас.

Мин дѳньяда вакытта, Мин – дѳньяга яктылык.

Шулай дип, Ул җиргә тѳкерде, тѳкереге белән лай ясады, шул лайны сукырның күзләренә сѳртте дә

аңа:– Шилуах буасына барып юын, – диде. (Шилуах – «Җибәрелгән» дигән мәгънәдә.)Ул барып юынды һәм күзләре күрә торган булып кайтты.

Аның күршеләре һәм элек хәер сорашып утыруын күргән кешеләр:– Бу соң, теге, хәер сорашып утырган кеше түгелме? – диделәр.

Кайберләре: «Бу – шул», ә кайберләре: «Шуңа охшаган», – диделәр.Сукыр үзе исә:– Мин шул кеше, – дип әйтә иде.

Аннан:– Күзләрең ничек ачылды соң? – дип сорадылар.

Ул җавап биреп:– Гайсә атлы Кеше лай ясап күзләремә сѳртте, аннан: «Шилуах буасына барып юын», – диде. Мин барып юындым һәм күзләрем ачылды, – диде ул.

Аннан: «Ул Кеше кайда?» – дип сорагач:– Мин белмим, – дип җавап бирде.

Элек сукыр булган бу кешене фарисейләр янына алып бардылар.

Ә Гайсә лай ясап сукырның күзләрен ачкан кѳн – шимбә кѳн иде.

Фарисейләр дә аннан ничек күрә башлавы хакында сораштылар. Ул аларга:– Ул минем күзләремә лай сылады, мин юындым да күрә башладым, – диде.

Кайбер фарисейләр исә:– Бу Кеше шимбә кѳнне тотмый, шуңа күрә Ул Аллаһыдан түгел, – дип әйттеләр.Ә башкалары:– Гѳнаһлы кеше мондый могҗизалы галәмәтләрне ничек эшли алсын? – диделәр. Һәм алар арасында бәхәс чыкты.

Әлеге сукырга: – Син Аның турында нәрсә әйтерсең, Ул бит синең күзләреңне ачты, – диделәр.– Ул – Пәйгамбәр, – дип җавап бирде сукыр.

Әмма яһүдләр, күзләре ачылган кешенең ата-анасын чакырганчы, аның сукыр булганына һәм күрә башлавына ышанмадылар.

– Тумыштан сукыр дигән улыгыз шушымы? Әмма хәзер ул ничек күрә ала? – дип сорадылар алар.

Ата-анасы аларга:– Без аның улыбыз икәнен һәм сукыр булып туганын беләбез.

Ә аның ничек күрә башлавын да, күзләрен кем ачканын да белмибез. Ул инде балигъ булган, үзеннән сорагыз, үзе хакында үзе сѳйләсен, – дип җавап бирделәр.

Сукырның ата-анасы, яһүдләрдән курыкканга күрә, шулай диде. Чѳнки яһүдләр, Гайсәнең Мәсих икәнен икърар итүче һәркемне гыйбадәтханәдән аерырга, дип сүз куешкан иделәр.

Шунлыктан аның ата-анасы: «Ул инде балигъ булган, үзеннән сорагыз», – диделәр.

Шулай итеп, яһүдләр элек сукыр булган кешене икенче тапкыр чакырып, аңа:– Аллаһыны ихтирам ит! Без ул Кешенең гѳнаһлы икәнен беләбез, – диделәр.

Ул аларга:– Ул гѳнаһлымы, түгелме, анысын белмим. Шуны гына беләм: мин сукыр идем, ә хәзер күрәм, – дип җавап бирде.

Алар аннан:– Ул нәрсә эшләде? Синең күзләреңне ничек ачты? – дип тагын сорадылар.

Ул аларга:– Мин инде сезгә сѳйләдем, ә сез тыңламадыгыз. Ни ѳчен тагын ишетергә телисез? Әллә сез дә Аның шәкертләре булырга җыенасызмы? – дип җавап бирде.

Алар аңа бик ачуланып:– Син – Аның шәкерте, ә без – Муса шәкертләре.

Без Аллаһының Мусага сѳйләгәнен беләбез, әмма Моның кайдан икәнен белмибез, – диделәр.

Күрә башлаган кеше, аларга җавап биреп, болай диде:– Шунысы гаҗәп тә: сез Аның кайдан икәнен белмисез, ә Ул минем күзләремне ачты!

Без Аллаһының гѳнаһлыларны тыңламавын беләбез, әмма Аллаһыга табынучыны һәм Аның ихтыярын башкаручыны Ул тыңлый.

Кемнең дә булса тумыштан сукыр кешенең күзләрен ачуы турында гомердә дә ишетелгәне юк.

Ул Кеше Аллаһыдан булмаса, һичнәрсә булдыра алмас иде.

– Башыңнан аягыңа тикле гѳнаһта тугансың, нигә безне ѳйрәтәсең? – дип, аны куып чыгардылар.

Гайсә, аны куып чыгарганнарын ишеткәч, аны табып:– Син Адәм Улына ышанасыңмы? – дип сорады.

Ул исә:– Әфәндем, мин Аңа ышансын ѳчен Аның кем икәнен әйт сәнә, – дип җавап бирде.

Гайсә әйтте:– Син Аны күрдең. Хәзер синең белән Ул сѳйләшә.

Параллельные места

От Иоанна 4:26

От Иоанна 10:25

Гайсә аңа:– Синең белән сѳйләшүче Мин – ул Үзе, – диде. Гайсә аларга болай дип җавап бирде:– Мин сезгә әйттем, ә сез ышанмыйсыз. Атам исеменнән кылган гамәлләрем Минем хакта шаһитлек бирәләр.

Ул исә:– Раббым, мин ышанам! – дип Аның алдына тезләнеп, Аңа табынды.

Гайсә:– Мин бу дѳньяга, күрми торганнар – күрсен, ә күрә торганнар – сукырайсын дип, хѳкем итү ѳчен килдем, – дип әйтте.

Аның янында булган кайбер фарисейләр, моны ишеткәч:– Әллә без дә сукырмы? – диделәр.

– Сез сукыр булсагыз, гѳнаһыгыз ѳчен гаепле булмас идегез; ә сез, күрәбез, дигәнлектән гѳнаһыгыз үзегездә кала, – дип әйтте Гайсә.

← Предыдущая

От Иоанна

Следующая →

1 2 3 4 5 6 7 8 9 10 11 12 13 14 15 16 17 18 19 20 21

Выбор основного перевода