Книга Деяния Cтих 8 | Параллельные места

Шул ук кѳнне Гайсә янына саддукейлар килделәр. Алар исә үлгән кешеләрнең терелүен инкяр итәләр иде. Алар Гайсәгә мондый сорау бирделәр: Халыкка нәсыйхәт биреп, Гайсә әйтте:– Канунчылардан сакланыгыз. Алар озын киемнәр киеп йѳрүне, җыелыш мәйданнарында үзләрен ихтирам итеп сәламләүне, гыйбадәтханәләрдә иң яхшы урыннарда утыруны, мәҗлесләрдә иң түрдә утыруны яраталар. Аннары Гайсә янына үлеләрнең терелүен инкяр итүче саддукейлар арасыннан кайберәүләр килде һәм Аңа болай диделәр:

Зур гауга купты, фарисейләрдән булган канунчылар бик нык бәхәсләштеләр. – Без бу кешедә һичбер начарлык тапмыйбыз. Бәлки аңа рух яки фәрештә нәрсәдер әйткәндер, – диделәр алар.

Ызгыш кѳчәйгәнлектән, гаскәриләр башлыгы, Паулны ѳзгәләп ташлауларыннан курыкканга күрә, гаскәриләргә, аска тѳшеп, аны ул кешеләр арасыннан алырга һәм ныгытмага илтергә әмер бирде.

Икенче тѳнне Паул янына Раббы килде. – Нык бул! Иерусалимда Минем турыда ничек шаһитлек биргән булсаң, Римда да шулай шаһитлек бирергә тиешсең, – диде аңа Раббы.

Кѳн тугач, кайбер яһүдләр бергә җыелып явыз ният кордылар һәм Паулны үтергәнчегә тикле ашамаска, эчмәскә ант иттеләр.

Ант итүчеләрнең саны кырыктан артык иде.

Алар, баш руханилар һәм аксакаллар янына килеп: – Без Паулны үтермичә торып һичнәрсә ашамаска җитди рәвештә ант иттек.

Ә сез хәзер, Югары киңәшмә белән берлектә, аның хакындагы эшне тѳгәлрәк тикшерергә телибез, дигән булып, гаскәриләр башлыгыннан аны сезнең янга чыгаруын сорагыз. Без әзер торырбыз һәм ул юлда чагында аны үтерербез, – диделәр.

Паулның сеңлесенең улы, аларның явыз нияте турында ишетеп, ныгытмага килде һәм бу турыда Паулга әйтте.

Паул исә, йѳзбашларының берсен чакырып: – Бу егетне гаскәриләр башлыгы янына алып бар, чѳнки аның аңа әйтәсе сүзе бар, – диде.

Йѳзбашы егетне гаскәриләр башлыгы янына алып килде. – Тоткын Паул бу егетне сезнең яныгызга алып килүемне сорады. Ул сезгә нәрсәдер әйтергә тели.

Гаскәриләр башлыгы, егетнең кулыннан тотып, аны читкәрәк алып китте. – Син миңа нәрсә әйтергә телисең? – дип сорады ул аннан.

– Яһүдләр, Паул хакындагы эшне тѳгәлрәк тикшерү ѳчен дигән булып, иртәгә сездән Паулны Югары киңәшмә алдына китерүегезне сорарга сүз куештылар, – дип җавап бирде егет. –