Книга Деяния Cтих 11 | Параллельные места

Бервакыт тѳнлә белән Паул илаһи күренеш күрде. Күренештә Раббы аңа: – Курыкма! Сѳйләвеңне дәвам ит һәм туктама. Шушы вакыйгалардан соң Паул Македуния һәм Ахая җирләре аша Иерусалимга барырга булды. – Иерусалимнан соң мин Римда булырга тиешмен, – диде Паул. Ул миңа: «Курыкма, Паул! Син кайсар алдында булырга тиешсең. Аллаһы Ул – мәрхәмәтле. Ул синең белән булган кешеләрнең барысына да тормыш бүләк итә», – диде. Рим шәһәрендә Паулга сак астында аерым яшәргә рѳхсәт ителде. Билгеләнгән кѳнне Паул яшәгән йортка элек килгәннән дә күбрәк кешеләр килде. Ул иртәдән кичкә тикле Аллаһы Патшалыгы хакында аңлатты, Гайсә турында Муса кануныннан һәм пәйгамбәрләр язмаларыннан дәлилләр китереп, аларны инандырырга тырышты.

Кѳн тугач, кайбер яһүдләр бергә җыелып явыз ният кордылар һәм Паулны үтергәнчегә тикле ашамаска, эчмәскә ант иттеләр.

Ант итүчеләрнең саны кырыктан артык иде.

Алар, баш руханилар һәм аксакаллар янына килеп: – Без Паулны үтермичә торып һичнәрсә ашамаска җитди рәвештә ант иттек.

Ә сез хәзер, Югары киңәшмә белән берлектә, аның хакындагы эшне тѳгәлрәк тикшерергә телибез, дигән булып, гаскәриләр башлыгыннан аны сезнең янга чыгаруын сорагыз. Без әзер торырбыз һәм ул юлда чагында аны үтерербез, – диделәр.

Паулның сеңлесенең улы, аларның явыз нияте турында ишетеп, ныгытмага килде һәм бу турыда Паулга әйтте.

Паул исә, йѳзбашларының берсен чакырып: – Бу егетне гаскәриләр башлыгы янына алып бар, чѳнки аның аңа әйтәсе сүзе бар, – диде.

Йѳзбашы егетне гаскәриләр башлыгы янына алып килде. – Тоткын Паул бу егетне сезнең яныгызга алып килүемне сорады. Ул сезгә нәрсәдер әйтергә тели.

Гаскәриләр башлыгы, егетнең кулыннан тотып, аны читкәрәк алып китте. – Син миңа нәрсә әйтергә телисең? – дип сорады ул аннан.

– Яһүдләр, Паул хакындагы эшне тѳгәлрәк тикшерү ѳчен дигән булып, иртәгә сездән Паулны Югары киңәшмә алдына китерүегезне сорарга сүз куештылар, – дип җавап бирде егет. –

Ләкин сез аларны тыңламагыз, чѳнки Паулны үтергәнчегә тикле ашамаска һәм эчмәскә дип ант иткән кырыктан артык кеше аны сагалап торалар. Алар инде Паулны үтерергә әзер, алар сезнең сүзегезне генә кѳтәләр.

Шуннан соң гаскәриләр башлыгы егеткә: – Моны миңа сѳйләвең турында беркемгә дә әйтмә, – дип, аны кайтарып җибәрде.

Шуннан соң гаскәриләр башлыгы ике йѳзбашын чакырып алды. – Ике йѳз җәяүле, җитмеш атлы һәм ике йѳз укчы гаскәр әзерләгез. Алар кичке сәгать тугызда Кайсариягә китсеннәр.