«Кӕм ис иудейаг ноггуырд Паддзах? Мах ын Йе стъалы федтам скӕсӕнӕй ссӕугӕ, ӕмӕ ӕрцыдыстӕм, цӕмӕй Йӕм бакувӕм».
Бӕлӕгъы чи уыд, уыдон ӕрзоныгыл сты Йесойы раз ӕмӕ Йын загътой: «Ды ӕцӕгӕй Хуыцауы Фырт дӕ».
Симон Петр Ын дзуапп радта: «Ды Чырысти дӕ, цардӕгас Хуыцауы Фырт».
Ӕмӕ уӕлӕрвтӕй ӕрыхъуысти хъӕлӕс: «Ды Мӕ уарзон Фырт дӕ, Ӕз Дӕуыл аудын».
Ӕнӕзӕгъинӕгтӕ-иу Ӕй куы федтой, уӕд-иу Йӕ разы сӕхи аппӕрстой дӕлгоммӕ, ӕмӕ хъӕр кодтой: «Ды Хуыцауы Фырт дӕ!»
Чырысти, Израилы Паддзах, ныр дзуарӕй ӕрхизӕд, цӕмӕй йӕ фенӕм нӕхи цӕстӕй ӕмӕ Йыл баууӕндӕм». Йемӕ тыгъд чи уыд, уыдон дӕр Ӕй фаудтой.
Марфӕ Йын дзуапп радта: «О, Хицау! Дунемӕ Чи хъуамӕ ӕрцӕуа, Ды Хуыцауы уыцы Фырт Чырысти кӕй дӕ, уый мӕ уырны».
Ӕмӕ райстой палмӕйы къалиутӕ, рацыдысты Йӕ размӕ ӕмӕ хъӕр кодтой: «Осаннӕ! Арфӕгонд уӕд Хуыцауы номӕй Ӕрцӕуӕг – Израилы Паддзах!»
Дыккаг псаломы куыд фыст у, афтӕ: „Ды Мӕ Фырт дӕ, Ды Мын абон райгуырдтӕ".