Моисей дзуапп радта: «Ацӕудзыстӕм нӕ ӕнахъом лӕппутимӕ ӕмӕ нӕ зӕрӕдтимӕ, нӕ фырттимӕ ӕмӕ нӕ чызджытимӕ; ацӕудзыстӕм нӕ фысвос ӕмӕ стуртимӕ. Нӕ Дунедарӕгӕн бӕрӕгбон хъуамӕ саразӕм».
Фараон сын загъта: «Уӕдӕ уӕ ӕз уӕ сывӕллӕттимӕ куыд ауадздзынӕн, афтӕ Дунедарӕг дӕр уӕд уемӕ. Фыдбылыз саразын кӕй ӕрӕфтыд уӕ зӕрды, уый не 'мбарут?
Нӕ, ацӕуӕнт ӕрмӕст уӕ нӕлгоймӕгтӕ ӕмӕ нывонд ӕрхӕссӕнт Дунедарӕгӕн; уӕхӕдӕгиу мӕм куы ӕрхатыдыстут уый тыххӕй». Уыйадыл сӕ ратардтой фараонӕй.
Фараон басидти Моисеймӕ ӕмӕ загъта: «Ацӕут уӕ Дунедарӕгӕн нывонд ӕрхӕссынмӕ; ӕрмӕст уӕ фысвос ӕмӕ стуртӕ баззайӕнт ам, уӕ сывӕллӕттӕ та ацӕуӕнт уемӕ».
Нӕ дзугтӕ ацӕудзысты немӕ, иу сӕфтӕг дӕр нӕ баззайдзӕн ам. Уымӕн ӕмӕ уыдонӕй ӕрхӕсдзыстӕм нывондтӕ Дунедарӕгӕн, нӕ Хуыцауӕн. Бынатмӕ куы бахӕццӕ уӕм, ӕрмӕст уӕд сбӕлвырд уыдзӕни, Дунедарӕгӕн нывонд ӕрхӕссынӕн мах цы бахъӕудзӕн, уый».