Ӕппӕт израилаг адӕмӕн зӕгъут: ацы мӕйы дӕсӕм бон алчидӕр йӕ бинонтӕн дзугӕй хъуамӕ ӕрбакӕна иу уӕрыкк, алы хӕдзарӕн дӕр – уӕрыкк.
Куы йӕ хӕрат, уӕд уӕ дарӕс уӕ уӕлӕ, уӕ дзабыртӕ уӕ къӕхтыл, уӕ лӕдзджытӕ уӕ къухты хъуамӕ уой. Архайут рӕвдздӕр ӕй бахӕрыныл – уый Куадзӕны нывонд у Дунедарӕгӕн.
Уырнындзинад ӕм кӕй уыдис, уый фӕрцы скодта Куадзӕн ӕмӕ уӕлкъӕсӕртӕ сахуырста тугӕй, цӕмӕй хистӕр хъӕбулты марӕг ма бавнала израилӕгты хъӕбултӕм.