Книга Исход Cтих 31 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Исход Ветхий Завет

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

Ветхий Завет

Бытие

Исход

← Предыдущая

Исход

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40

Моисей ӕмӕ Аарон ма Мысыры куы уыдысты, уӕд сын Дунедарӕг загъта: «

Ацы мӕй сымахӕн уӕд мӕйты райдайӕн; афӕдзы мӕйтӕй уын уӕд фыццаг – азы райдайӕн.

Ӕппӕт израилаг адӕмӕн зӕгъут: ацы мӕйы дӕсӕм бон алчидӕр йӕ бинонтӕн дзугӕй хъуамӕ ӕрбакӕна иу уӕрыкк, алы хӕдзарӕн дӕр – уӕрыкк.

Кӕд бинонтӕ бирӕ не сты ӕмӕ иу уӕрыкк нӕ бахӕрдзысты, уӕд ӕй райсӕд сӕ хӕстӕгдӕр сыхагимӕ. Банымайын хъӕуы, цал лӕджы фаг суыдзӕн, уый.

Уӕрыкк хъуамӕ уа ӕнаипп, нӕл ӕмӕ аздзыд; уӕрыччы бӕсты ис сӕныкк райсӕн.

Уӕрыкк уӕхимӕ уӕд ацы мӕйы цыппӕрдӕсӕм бонмӕ. Ӕппӕт израилаг адӕм изӕрдалынгты аргӕвдӕнт сӕ кусӕрттӕгтӕ.

Райсӕнт уӕрыччы тугӕй ӕмӕ дзы сахорӕнт, кӕм ӕй хӕрдзысты, уыцы хӕдзӕртты дуӕртты тарвӕзтӕ ӕмӕ уӕлкъӕсӕртӕ.

Йӕ дзидза йын уыцы ӕхсӕв бахӕрӕнт физонӕгӕй донгонд дзул ӕмӕ судзагхалимӕ.

Ма дзы бахӕрут нӕдӕр хомӕй, нӕдӕр къуыдырвыхӕй, фӕлӕ йӕ бахӕрут физонӕгӕй ӕд сӕр, ӕд къӕхтӕ ӕмӕ ӕд хуылфыдзаумӕттӕ.

Райсоммӕ дзы ма ныууадзут; куы ма дзы баззайа, уӕд ӕй ӕрбабонмӕ басудзут артыл.

Куы йӕ хӕрат, уӕд уӕ дарӕс уӕ уӕлӕ, уӕ дзабыртӕ уӕ къӕхтыл, уӕ лӕдзджытӕ уӕ къухты хъуамӕ уой. Архайут рӕвдздӕр ӕй бахӕрыныл – уый Куадзӕны нывонд у Дунедарӕгӕн.

Ӕз уыцы ӕхсӕв ӕрзилдзынӕн Мысыры зӕххыл. Адӕймагӕй фосы онг амардзынӕн алы фыццаг гуырды дӕр. Ӕмӕ тӕрхон рахӕсдзынӕн ӕппӕт мысыраг хуыцӕуттӕн. Ӕз Дунедарӕг дӕн!

Цы хӕдзӕртты цӕрут, уыдоныл туг уыдзӕн нысанӕн. Ӕз фендзынӕн уыцы туг ӕмӕ ацӕудзынӕн уӕ рӕзты; Ӕз бафхӕрдзынӕн мысыраг зӕхх, сымахыл та зиан не 'рцӕудзӕн.

Уымӕ гӕсгӕ уӕ зӕрдыл лӕууӕд уыцы бон. Уеппӕт фӕлтӕртӕ ацы бӕрӕгбон бӕрӕг кӕнӕнт Дунедарӕджы номыл. Бӕрӕг ӕй кӕнут – уый уын мыггагмӕ лӕвӕрд ӕгъдау у.

Авд боны хӕрут донгонд дзултӕ; тӕккӕ фыццаг бон фесафут, уӕ хӕдзӕртты ӕнхъызтӕй цыдӕриддӕр ис, уый. Уымӕн ӕмӕ фыццаг бонӕй ӕвдӕм боны онг ӕнхъызт чи бахӕра, уыцы адӕймаг фӕхъӕудзӕн Израилӕй.

Фыццаг бон ӕмӕ ӕвдӕм бон уын уӕд ӕмбырд Хуыцаумӕ бакувынӕн. Хӕринаг саразынӕй уӕлдай уыцы бонты мацы кусут.

Ма рох кӕнут донгонд дзулты бӕрӕгбон, уымӕн ӕмӕ уӕ Ӕз уыцы бонты ракодтон Мысыры зӕххӕй – ӕфсады иу къорд иннӕйы фӕдыл цӕуӕгау. Уӕ фидӕны фӕлтӕртӕ бӕрӕг кӕнӕнт уыцы бон – уый уын мыггагмӕ лӕвӕрд ӕгъдау у.

Фыццаг мӕйы цыппӕрдӕсӕм боны изӕрӕй иу ӕмӕ ссӕдзӕм боны изӕрмӕ хӕрут донгонд дзултӕ.

Уӕ хӕдзӕртты авд боны ма уӕд ӕнхъизӕн; уымӕн ӕмӕ ӕнхъызт хойраг цы адӕймаг хӕра, уый фӕхъӕудзӕн Израилы адӕмӕй – ӕрцӕуӕггаг уа ӕви бынӕттон цӕрӕг.

Ӕнхъызт цы у, ахӕмӕй мацы хӕрут; кӕмдӕриддӕр ма ӕрбынӕттон ут, – хӕрут донгонд дзул».

Моисей ӕрӕмбырд кодта ӕппӕт израилаг хистӕрты ӕмӕ сын загъта: «Уӕ бинонтӕн равзарут уӕрыкк ӕмӕ йӕ аргӕвдут Куадзӕны нывондӕн.

Райсут иссопы гуцъула, сӕвдулут ӕй, къусы цы туг ис, уым, ӕмӕ дзы байсӕрдут хӕдзары дуары тарвӕзтӕ ӕмӕ уӕлкъӕсӕр; ӕмӕ уӕ райсоммӕ йӕ хӕдзары дуарӕй мачи рахизӕд.

Уӕд Дунедарӕг рацӕудзӕн Мысыр бафхӕрынмӕ, фендзӕн туг дуары тарвӕзтыл ӕмӕ уӕлкъӕсӕрыл ӕмӕ ацӕудзӕни дуӕртты рӕзты; удхӕссӕджы уӕ фесафынмӕ нӕ бауадздзӕн уӕ хӕдзӕрттӕм.

Уадз уый сымахӕн ӕмӕ уӕ байзӕддагӕн уӕд мыггагмӕ ӕххӕстгӕнинаг ӕгъдау.

Ацы бон бӕрӕг кӕнут, Дунедарӕг уын зӕрдӕ цы зӕххӕй бавӕрдта, уымӕ куы бацӕуат, уӕд.

Уӕ байзӕддӕгтӕ уӕ куы бафӕрсой: „Уый цавӕр ӕгъдау у?“,

Уӕд зӕгъут: „Мысырӕгты куы цагъта, уӕд израилаг адӕмы хӕдзӕртты рӕзты чи ацыд ӕмӕ нын нӕ хӕдзӕрттӕ чи бахызта, ай уыцы Дунедарӕгӕн Куадзӕны нывонд у“». Адӕм ӕрлӕууыдысты сӕ зонгуытыл ӕмӕ ныллӕг ӕркуывтой Дунедарӕгӕн.

Израилӕгтӕ ацыдысты сӕ хӕдзӕрттӕм ӕмӕ бакодтой, Моисей ӕмӕ Ааронӕн Дунедарӕг куыд бафӕдзӕхста, афтӕ.

Ӕмбисӕхсӕв ӕгас мысыраг зӕххыл Дунедарӕг фӕцагъта ӕппӕт хистӕр фыртты – паддзахы къӕлӕтджыны бадӕг фараоны хистӕр фыртӕй ахӕст уацайраджы хистӕр фыртмӕ; амардта ӕппӕт фыццагзад фос дӕр.

Ӕхсӕвы сӕ хуыссӕнӕй сыстадысты фараон, йеппӕт фӕсдзӕуинтӕ ӕмӕ ӕгас Мысыр. Ӕмӕ ӕппӕт мысыраг зӕххыл анхъӕвзта хъарӕг – мард кӕуыл не 'рцыд, ахӕм хӕдзар дзы нӕ разынди.

Фараон ӕхсӕвы басидти Моисей ӕмӕ Ааронмӕ, ӕмӕ сын загъта: «Ацӕут махӕй уӕхӕдӕг дӕр ӕмӕ израилаг адӕм дӕр; ацӕут, ӕмӕ куыд дзырдтат, афтӕ нывонд ӕрхӕссут Дунедарӕгӕн.

Параллельные места

Исход 8:8

Исход 8:25

Фараон басидти Моисей ӕмӕ Ааронмӕ, ӕмӕ сын загъта: «Бакувут Дунедарӕгмӕ, цӕмӕй мӕн ӕмӕ мӕ адӕмы фервӕзын кӕна галхӕфсытӕй. Ӕмӕ дӕ адӕмы ауадздзынӕн Дунедарӕгӕн нывонд ӕрхӕссынмӕ». Уӕд фараон басидти Моисей ӕмӕ Ааронмӕ, ӕмӕ сын загъта: «Ацӕут ӕмӕ уӕ Хуыцауӕн нывонд ӕрхӕссут ацы зӕххыл».

Куыд дзырдтат, афтӕ атӕрут уӕ фысвос ӕмӕ уе стуртӕ. Ацӕут ӕмӕ арфӕ ракурут мӕнӕн дӕр».

Израилӕгтӕй домдтой сӕ зӕххӕй куыдтагъддӕр ацӕуын. Мысырӕгтӕ дзырдтой: «Науӕд неппӕт дӕр фӕцагъды уыдзыстӕм».

Израилаг адӕм сӕ хыссӕ семӕ ахастой ӕнӕнхъызтӕй – се 'нхъизӕндӕттӕ, сӕ дарӕсы тыхтӕй, уыдысты се уӕхсчытыл.

Израилаг адӕм бакодтой, Моисей сын куыд загъта, афтӕ: мысырӕгтӕй куырдтой ӕвзист ӕмӕ сыгъзӕрин дзаума ӕмӕ дарӕс.

Дунедарӕджы фӕндӕй мысырӕгтӕ Йӕ адӕммӕ ракастысты хорз цӕстӕй: лӕвӕрдтой сын, цы сӕ куырдтой, уый, ӕмӕ афтӕмӕй израилӕгтӕ бастыгътой мысырӕгты.

Израилаг адӕм фистӕгӕй, ӕхсӕзсӕдӕ мин нӕлгоймаджы бӕрц, сывӕллӕтты нӕ нымайгӕйӕ, Раамсесӕй араст сты Сокхофмӕ.

Семӕ ма рацыд бирӕ адӕм алыхуызон адӕмыхӕттытӕй, стӕй раскъӕрдтой фысвосы ӕмӕ стурты тынг бирӕ рӕгъӕуттӕ.

Мысырӕй кӕй рахастой, уыцы хыссӕйӕ сфыхтой донгонд лауаситӕ; хыссӕйыл ӕнхъизӕн нӕ ныккодтой, уымӕн ӕмӕ сын фӕстиаты амал нӕ уыд – мысырӕгтӕ сӕ ратардтой, ӕмӕ сын фӕндагмӕ сӕхицӕн суанг хӕринаг скӕнын дӕр нӕ бантыст.

Израилаг адӕм Мысыры ӕдӕппӕт фӕцардысты цыппарсӕдӕ ӕртын азы.

Цыппарсӕдӕ ӕртын азы куыддӕр ахицӕн сты, тӕккӕ уыцы бон, ӕхсӕвы, Дунедарӕджы ӕппӕт адӕм рацыдысты Мысыры зӕххӕй.

Уыцы ӕхсӕв Хуыцау хъахъхъӕдта Йӕ адӕмы, цӕмӕй сӕ ракӕна Мысыры зӕххӕй. Уымӕ гӕсгӕ израилаг адӕмы ӕппӕт фӕлтӕртӕн уыцы ӕхсӕв уыдзӕни мысӕн ӕхсӕв.

Моисей ӕмӕ Ааронӕн Дунедарӕг загъта: «Мӕнӕ уын Куадзӕны уагӕвӕрд: ӕндӕр адӕмыхаттӕй дзы ӕппындӕр хъуамӕ мачи бахӕра.

Фӕлӕ ӕхцайӕ кӕй балхӕдтат, уыцы цагъары сунӕт куы скӕнат, уӕд ын Куадзӕн хӕрын фӕтчы.

Хъуамӕ йӕ ма хӕрой ӕрцӕуӕггаг ӕмӕ ӕххуырст.

Хӕргӕ йӕ у иу хӕдзары мидӕг; дзидза хӕдзарӕй ӕддӕмӕ ма хӕссут, ӕмӕ йын йе стджытӕ ма сӕттут.

Уыцы ӕгъдау ӕххӕстгӕнинаг у ӕппӕт израилаг адӕмӕн дӕр.

Ӕрцӕуӕггаг уӕм куы цӕра ӕмӕ йӕ куы бафӕнда уемӕ Дунедарӕджы Куадзӕн саразын, уӕд ын сунӕт скӕнут йеппӕт нӕлгоймӕгтӕн; афтӕмӕй уемӕ хӕрдзӕни Куадзӕн ӕмӕ нымад уыдзӕни бындурон цӕрӕгыл. Сунӕт чи нӕу, уымӕн Куадзӕн хӕрын нӕ фӕтчы.

Иу ӕгъдауыл хӕст уӕд израилӕгтӕ дӕр ӕмӕ уе 'хсӕн ӕрцӕрӕг ӕрцӕуӕггӕгтӕ дӕр».

Ӕмӕ ӕппӕт израилаг адӕм бакодтой, Моисейӕн ӕмӕ Ааронӕн Хуыцау куыд бафӕдзӕхста, афтӕ.

Тӕккӕ уыцы бон Дунедарӕг израилаг адӕмы ракодта мысыраг зӕххӕй – ӕфсады иу къорд иннӕйы фӕдыл цӕуӕгау».

← Предыдущая

Исход

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40

Выбор основного перевода