Уӕрыкк уӕхимӕ уӕд ацы мӕйы цыппӕрдӕсӕм бонмӕ. Ӕппӕт израилаг адӕм изӕрдалынгты аргӕвдӕнт сӕ кусӕрттӕгтӕ.
Ма рох кӕнут донгонд дзулты бӕрӕгбон, уымӕн ӕмӕ уӕ Ӕз уыцы бонты ракодтон Мысыры зӕххӕй – ӕфсады иу къорд иннӕйы фӕдыл цӕуӕгау. Уӕ фидӕны фӕлтӕртӕ бӕрӕг кӕнӕнт уыцы бон – уый уын мыггагмӕ лӕвӕрд ӕгъдау у.
Уыцы цау мысынӕн уый нысанау хъуамӕ ӕвӕрд уа уӕ къухтыл ӕмӕ уӕ тӕрныхтыл, Дунедарӕджы ацы ӕгъдауы тыххӕй дзургӕ у иудадзыг; уымӕн ӕмӕ Дунедарӕг сымах Йӕ стыр хъаруйӕ ракодта Мысырӕй.
Ӕмӕ ацы уагӕвӕрд ӕрвылаз ӕххӕст кӕнут йӕ афоныл.