Цо соьга боху: «Хьо Сан Ялхо хилла Іийр вац, Якъубан тайпанаш юхаметтахІитто а, Исраилан халкъах бухабиснарш цІа берзо а. Ас хьох кхечу къаьмнашна серло йийр ю, Сан кІелхьардаккхар дуьненан массо а маьІІе кхачийта».
Бакъдолу дахар Цунна чохь а дара, и дахар адамашна серло а яра.
И серло боданехь къега. Бодано и серло эша а ца йина.
И бакъйолу Серло дуьнен чу йогІуш яра, Цо муьлхха а адам серла а доккху.
Со дуьненахь мел ву, дуьненна елла серло ю Со».
ТІаккха Іийсас элира цаьрга: «ХІинца а кІеззигчу ханна серло ю шуьца. Серло йолччуьра, лела шу, шаьш бодане дІа ца хьулдайта. Ткъа боданехь лелачунна ша стенга воьду а ца хаьа.
Серло санна веана Со кху дуьнен чу, Сох тешнарг цхьа а боданехь ца витархьама.
Тхуна Цуьнан КІантера хезна болу а, оха шуна дІакхайкхош болу а кхаъ хІара бу: Дела – серло ю, Цуьнца цхьа а тайпа бода бац.