26
Дала Ша реза волчунна хьекъалалла а, хаарш а, ирс а ло. Ткъа къинош леточаьрга Цо, къа а хьоьгуьйтуш, хьал гулдойту, и гулдинарг Ша реза волчунна дІадалийтархьама. Иза а ду-кх кхетам тІе ца кхуьу хІума, махана Іуналла дан гІертар санна.
Ченал дукха дети шена гулдахь а, поппарал дукха бедарш цо гулъяхь а,
уьш Делан лаамехь болчара тІедухур ду, цуьнан дети цІена лелачара доькъур ду.
Амма адамна хьекъал лург Делан Са ду, Нуьцкъалчун Іаьнаро цунна кхетам ло.
Дика стаг веллачул тІаьхьа цуьнан бахам берийн берашна а кхочур бу, амма къинош летийначун хьал бакъахьарчун дуьхьа Іалашдеш ду.
Ахчанна тІе сов ял яккхарца ахь хьал гулдахь, хьан хьал къечу нахаца дика хуьлучунна дІакхочур ду.
Стигална кІел деш долу дерриге а гІуллакхаш а гира суна. Уьш дерриш а, махана Іуналла дан гІертар санна, кхетам тІе ца кхуьу хІуманаш ду.