Леин ялхочо Залпаа Якъубана кхин цхьа кІант а вира.
Леас элира: «Со ирс долуш ю! ХІинца массо а зударша со ирс долуш ю эр ду!» Цу кІентан цІе Ашар тиллира цо (иза «ирс» бохург ду).
Ашархойх лаьцна элира: «Уьш кІенташна юкъахь уггар декъалбинарш бу. И тайпа шен вежаршна дезаш хуьлийла. Шайн когаш зайтдаьттанна чохь лийчор цара.
Шун зайлаш эчигах а, йоьзах а дина хир ду. Шун денош санна, дебаш хир бу шун ницкъ».
ПхоьалгІа кхаж Ашаран тайпанах долчу гаранашна белира.