Книга От Матфея Cтих 25 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

От Матфея Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

От Матфея

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

Шуннан соң Иерусалимнан Гайсә янына фарисейләр һәм канунчылар килделәр.

– Ни ѳчен Синең шәкертләрең ата-бабалардан килгән йолаларны бозалар: ашар алдыннан кулларын юмыйлар? – дип сорадылар.

– Ә сез ни ѳчен үзегезнең йолаларыгыз хакына Аллаһы әмерен бозасыз? – дип каршы тѳште Гайсә. –

Аллаһы: «Атаңны һәм анаңны хѳрмәт ит» һәм «Атасын һәм анасын хурлаган кеше үтерелергә тиеш», – дип әйткән.

Ә сез: «Берәрсе атасына яки анасына: „Мин сиңа бирергә тиеш булган бүләкне Аллаһыга вәгъдә иттем", – дип әйтсә,

аңа инде атасын хѳрмәтләмәсә дә ярый», – дип ѳйрәтәсез. Моның белән сез үзегезнең йолагыз хакына Аллаһы сүзен юкка чыгарасыз.

Монафикълар! Сезнең хакта Ишагыйя пәйгамбәр алдан күреп дѳрес әйткән:

«Бу халык Мине теле белән хѳрмәт итә,ә күңелләре исә Миннән еракта.

Аларның Миңа табынулары бушка:алар кеше уйлап чыгарган кагыйдәләргә ѳйрәтәләр».

Гайсә халыкны Үзе янына чакырып әйтте:– Тыңлагыз һәм тѳшенергә тырышыгыз.

Аллаһы алдында кешене авызына кергән нәрсә түгел, ә авызыннан чыккан нәрсә пычрата.

Шуннан соң, шәкертләре Аның янына килеп:– Синең сүзләреңне ишетеп, фарисейләрнең рәнҗүләрен беләсеңме? – диделәр.

– Күктәге Атам тарафыннан утыртылмаган һәр үсенте тамыры белән йолкыначак, – диде Ул. –

Калдырыгыз аларны! Сукырларны җитәкләп йѳрүче сукырлар алар. Сукыр сукырны җитәкләп бара икән, чокырга икесе дә егылып тѳшәчәк.

– Безгә бу сүзләрне аңлатып бирче, – дип мѳрәҗәгать итте Аңа Петер.

– Әллә сез дә һаман аңламыйсызмы? – диде Гайсә. –

Авызга кергән нәрсәнең карынга керүе, ә аннан тышка чыгарылып ташлануы сезгә аңлашылмыймыни?

Кешенең авызыннан чыкканы йѳрәгеннән чыга. Аны шул пычрата.

Явыз ниятләр, кеше үтерү, зиначылык, фәхешлек, урлашу, ялган шаһитлек итү, хурлау кешенең йѳрәгеннән чыга.

Кешене менә шулар пычрата. Ә юмаган куллар белән ашау кешене пычратмый.

Гайсә ул урыннан Тур һәм Сидун җирләренә китте.

Аның янына шул җирләрдә яшәүче кәнганлы хатын килде.– Әфәнде, Давыт Улы! Кызган мине: минем кызым җенле һәм бик нык газаплана! – дип кычкырды ул.

Әмма Гайсә аңа бер сүз белән дә җавап кайтармады. Шәкертләре, янына килеп, Аннан үтенә башладылар:– Җибәр аны. Югыйсә ул кычкырып безнең арттан килә.

– Мин Исраил халкының югалган сарыкларына гына җибәрелгән идем, – дип җавап бирде Гайсә.

Әмма хатын якын килде һәм Аның каршында йѳзтүбән капланып:– Әфәнде, миңа ярдәм итче! – диде.

Параллельные места

От Матфея 8:2

От Матфея 18:26

Менә Аның янына бер махаулы кеше килеп тез чүкте һәм:– Әфәнде! Әгәр теләсәң, мине тазарта алыр идең! – диде. Бу хезмәтче патша каршында йѳзтүбән капланып әйткән: «Бурычымны кѳтче! Мин сиңа барын да кайтарып бирәчәкмен!»

– Икмәкне балалардан алып, кѳчекләргә ташлау яхшы түгел, – диде Гайсә.

– Әйе, Әфәнде. Ләкин кѳчекләр дә хуҗаларының ѳстәленнән коелган валчыкларны ашый бит, – дип җавап кайтарды хатын.

Гайсә аңа:– Әй, хатын! Синең иманың нык! Сиңа теләгәнеңчә булсын, – диде.Һәм шул ук вакытта аның кызы савыкты.

Аннан киткәч, Гайсә Гәлиләя диңгезе яры буйлап барды. Ул тауга менеп утырды.

Аның янына халык тѳркемнәре аксакларны, сукырларны, гарипләрне, телсезләрне һәм башка күп тѳрле авыру кешеләрне алып килделәр. Алар авыруларны Аның аяклары янына салдылар, һәм Гайсә аларны савыктырды.

Телсезләрнең сѳйләшүен, гарипләрнең савыгуын, аксакларның йѳрүен һәм сукырларның күрүен күреп, халык таң калды. Һәм алар Исраил Аллаһысын данладылар.

Гайсә шәкертләрен чакырып, аларга:– Кешеләрне кызганам. Алар Минем белән инде ѳч кѳн буе, ә ашарларына һичнәрсәләре юк. Минем аларны ач килеш җибәрәсем килми: юлда хәлсезләнерләр, – дип әйтте.

– Шундый тѳркемне туендырырлык икмәкне монда, чүлдә, кайдан алырга? – диделәр Аңа шәкертләре.

– Сездә ничә икмәк бар? – дип сорады Гайсә.– Җиде икмәк һәм берничә кечкенә балык, – дип җавап бирделәр алар.

Гайсә халыкка җиргә утырырга кушты һәм,

җиде икмәкне һәм балыкларны алып, шѳкрана кылды. Аларны сындыргалап, шәкертләренә бирде, ә шәкертләре халыкка ѳләште.

Барысы да ашап туйдылар. Шәкертләре калган сыныкларны җиде кәрзин тутырып җыйдылар.

Ә ашаучылар исә, хатыннарны һәм балаларны исәпкә алмаганда, дүрт мең кеше иде.

Халыкны җибәргәч, Гайсә кѳймәгә утырды һәм Мәгедән җирләренә юл тотты.

← Предыдущая

От Матфея

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

Выбор основного перевода