Книга От Иоанна Cтих 8 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

От Иоанна Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

От Иоанна

Следующая →

1 2 3 4 5 6 7 8 9 10 11 12 13 14 15 16 17 18 19 20 21

Атнаның беренче кѳнендә иртән иртүк, әле караңгы вакытта ук, Магдалалы Мәрьям кабер куышы янына килде һәм кабер алдыннан ташның читкә алып ташланганын күрде.

Ул шунда ук Шимун Петер һәм Гайсәнең теге сѳекле шәкерте янына йѳгереп барып, аларга:– Раббыны кабердән алып киткәннәр. Кая куйганнарын белмибез, – диде.

Петер белән әлеге шәкерт шундук кабер янына киттеләр.

Алар икесе дә йѳгерделәр, әмма теге шәкерт, Петергә караганда җәһәтрәк йѳгергәнгә, кабер янына алданрак барып җитте.

Иелеп карагач, анда яткан кәфенне күрде, ләкин кабер эченә кермәде.

Аның артыннан ук Шимун Петер килеп җитте. Ул, кабер эченә кереп, анда яткан кәфенне

һәм Аның башына чорналган яулыкны күрде, әмма яулык кәфен белән бергә түгел, бәлки, чорнап куелганча, үз урынында ята иде.

Шуннан соң, кабер янына алданрак килеп җиткән әлеге шәкерт тә эчкә керде, һәм, күреп, ышанды.

Параллельные места

От Иоанна 20:4

Алар икесе дә йѳгерделәр, әмма теге шәкерт, Петергә караганда җәһәтрәк йѳгергәнгә, кабер янына алданрак барып җитте.

Алар Изге язмада Гайсәнең үледән терелеп торачагы турында язылганны әле аңламыйлар иде.

Шуннан соң шәкертләр тагын ѳйләренә кайтып киттеләр.

Мәрьям исә кабер янында елап басып калды. Елый-елый иелеп кабер эченә карады һәм

анда актан киенгән ике фәрештәне күрде. Аларның берсе Гайсә гәүдәсе яткан урынның баш очында, икенчесе аяк очында утыра иде.

Алар Мәрьямнән:– Хатын! Нигә елыйсың? – дип сорадылар.– Минем Раббымны алып киткәннәр. Аны кая куйганнарын белмим, – диде ул.

Шулай дигәннән соң артына борылып карады һәм анда басып торган Гайсәне күрде, әмма Аның Гайсә икәнен танымады.

Гайсә аңа:– Сеңлем! Нигә елыйсың? Кемне эзлисең? – дип әйтте.Мәрьям, Аны бакчачы дип уйлап:– Әфәндем! Син Аны чыгарып куйган булсаң, кая куйганыңны әйт, мин Аны алып китәрмен, – диде.

Гайсә аңа:– Мәрьям! – диде.Ә ул әйләнеп карап, яһүдчә:– Раббуни! – дип әйтте. (Раббуни – Остаз дигәнне аңлата.)

Гайсә аңа:– Миңа кагылма, чѳнки Мин әле Атам янына күтәрелмәдем. Туганнарым янына кайтып әйт: «Мин Үземнең Атам һәм сезнең Атагыз янына, Үземнең Аллаһым һәм сезнең Аллаһыгыз янына күтәреләм», – диде.

Магдалалы Мәрьям шәкертләр янына килеп:– Мин Раббыны күрдем, – диде һәм аларга Гайсә әйткән сүзләрне сѳйләп бирде.

Шәкертләре шул ук кѳнне кич белән, яһүдләрдән куркып, йорт ишекләрен бикләп җыелып утырганда, Гайсә килеп керде һәм, уртага басып, аларга:– Сезгә иминлек булсын! – диде.

Шулай дигәннән соң, Ул аларга кулларын һәм кабыргаларын күрсәтте. Шәкертләр Раббыны күргәнгә бик куандылар.

Гайсә аларга тагын:– Сезгә иминлек булсын! Атам Мине җибәргән кебек, Мин дә сезне җибәрәм, – дип әйтте.

Моны әйткәч, Ул сулышын аларга ѳреп:– Изге Рухны кабул итегез.

Кемнең гѳнаһларын кичерсәгез, шуныкы кичерелер; кемнекен кичермәсәгез, аныкы кичерелмәс, – диде.

Гайсә килгәндә уникенең берсе, Игезәк кушаматлы Томас, алар белән түгел иде.

Башка шәкертләр аңа:– Без Раббыны күрдек! – диделәр.Ә ул аларга:– Аның кулларындагы кадак яраларын күрмичә, кадак яраларына бармагымны, кабыргаларына кулымны тидереп карамыйча, ышанмам, – дип әйтте.

Бер атнадан соң Аның шәкертләре бер йортта тагын җыелып утырганда, Томас та алар белән бергә иде. Гайсә ишекләр бикле килеш килеп керде һәм аларның уртасына басып:– Сезгә иминлек булсын! – диде.

Аннары Томаска:– Бармагыңны монда куй һәм кулларыма кара; кулыңны суз да кабыргаларыма тидер; шикләнеп торма, ышан, – дип әйтте.

Шунда Томас Аңа җавап биреп:– Минем Раббым һәм Аллаһым! – диде.

Гайсә:– Син Мине күргәнгә ышандың. Күрмичә ышанучылар бәхетле! – дип әйтте.

Гайсә Үзенең шәкертләре алдында бу китапта язылмаган башка бик күп могҗизалы галәмәтләр дә күрсәтте.

Болар исә сез Гайсәнең Аллаһы Улы, Мәсих булуына иман итсен ѳчен һәм, иман итеп, Аның исеме аркылы сезгә тормыш булсын ѳчен язылды.

← Предыдущая

От Иоанна

Следующая →

1 2 3 4 5 6 7 8 9 10 11 12 13 14 15 16 17 18 19 20 21

Выбор основного перевода