Книга От Иоанна Cтих 12 | Параллельные места

– Без бу Кешене халкыбызны аздыручы дип таптык. Ул Үзен Мәсих, Патша дип атый һәм кайсарга салым түләүне тыя, – дип гаепли башладылар. Пилат Аңа:– Димәк, Син – Патша? – диде.Гайсә җавап биреп:– Син Мине Патша дип әйтәсең. Мин хакыйкать хакында шаһитлек бирү ѳчен тудым, Мин шуның ѳчен дѳньяга килдем дә. Хакыйкатьтән булган һәркем Мине тыңлый, – диде. ә Ясун аларны үз йортына кабул иткән. Алар барысы да, кайсарның әмерләренә каршы чыгып, башка берәүне – Гайсәне патша дип исәплиләр, – дип кычкырдылар.

Бу сүзләрне ишеткәч, Пилат, Гайсәне чыгарып, «Таш басма» (яһүдчә Габбата) дип аталган җирдәге хѳкем итү урынына барып утырды.

Бу кѳн Коткарылу бәйрәменә әзерләнә торган җомга кѳн, кѳндезге сәгать уникеләр тирәсе иде. Пилат яһүдләргә:– Менә сезнең Патшагыз! – диде.

Ә алар:– Алып кит Аны, олаксын! Хачка кадакла! – дип кычкырдылар.– Патшагызны кадаклыйммыни? – диде Пилат.Баш руханилар:– Безнең кайсардан башка патшабыз юк, – дип җавап бирделәр.

Ниһаять, кадакларга дип, Пилат Аны аларга тапшырды. Алар Гайсәне алып киттеләр.

Үзенең хачын күтәреп, Гайсә, «Баш сѳяге», ягъни яһүдчә Гѳлгетә дип аталган урынга килеп җитте.

Аны һәм Аның белән бергә тагын ике кешене, берсен Гайсәнең бер ягына, икенчесен икенче ягына, хачка кадакладылар.

Пилат кушканча язу язып, хач ѳстенә кактылар. Ул язуда: «Насаралы Гайсә – яһүдләр Патшасы», дип язылган иде.

Ул язуны күп яһүдләр укыды, чѳнки Гайсә хачка кадакланган урын шәһәргә якын иде, һәм ул язу яһүдчә, грекча һәм латинча язылган иде.

Яһүдләрнең баш руханилары Пилатка әйттеләр:– «Яһүдләр Патшасы», – дип түгел, бәлки, «Ул Үзен: „Мин – яһүдләр Патшасы", – диде», – дип яз.

Пилат:– Мин нәрсә яздым, шул язылды инде, – дип җавап бирде.

Гаскәриләр исә, Гайсәне хачка кадаклагач, Аның киемнәрен алып һәр гаскәригә бер ѳлеш итеп дүрткә бүлделәр һәм чапанын да алдылар; чапан исә тегелмәгән, ә бербѳтен тукымадан иде.

Шулай итеп, алар бер-берсенә:– Моны ертмыйк, ә жирәбә салыйк, кемгә чыгар, – диделәр.Бу Изге язмадагы: «Алар киемнәремне бүлештеләр, күлмәгем ѳчен жирәбә салыштылар», – дип язылган сүзләр тормышка ашсын ѳчен булды. Гаскәриләр нәкъ шулай эшләделәр.