Книга От Иоанна Cтих 7 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

От Иоанна Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

От Иоанна

Следующая →

1 2 3 4 5 6 7 8 9 10 11 12 13 14 15 16 17 18 19 20 21

Коткарылу бәйрәме алдыннан Гайсә, Үзенең бу дѳньядан Ата хозурына китү сәгате җиткәнен белеп, дѳньяда булган үзенекеләрен ничек яраткан булса, аларны соңгы чиккә кадәр шулай яратуын эш белән күрсәтте.

Иблис Шимун Искариот улы Яһүднең күңеленә Гайсәгә хыянәт итү фикерен салганнан соң, шәкертләре белән кичке аш ашаган вакытта,

Гайсә Атаның һәрнәрсәне Аның кулына биргәнен һәм Үзенең Аллаһыдан килеп Аллаһы янына китүен белгәнгә,

урыныннан торды да, ѳс киемен салып, биленә сѳлге урады.

Һәм ләгәнгә су салып, шәкертләренең аякларын юа башлады, юган берсен билендәге сѳлге белән сѳртә барды.

Нәүбәт Шимун Петер янына җиткәч, Петер Аңа:– Раббым! Синме минем аякларымны юасың? – диде.

– Син әле хәзер Минем нәрсә эшләвемне аңламыйсың, – дип җавап бирде Гайсә, – әмма соңыннан аңларсың.

Параллельные места

От Иоанна 13:12

Шәкертләренең аякларын юып бетергәч, киемен киеп, Ул яңадан урынына барып утырды һәм аларга:– Минем нәрсә эшләгәнемне аңлыйсызмы?

– Син минем аякларымны һичкайчан юарга тиеш түгелсең, – диде Петер.– Синең аякларыңны юмасам, Миндә синең ѳлешең булмас, – дип җавап бирде Гайсә.

– Раббым! – диде Шимун Петер. – Аякларымны гына түгел, кулларымны да, башымны да юа күр.

– Юынган кешенең бѳтен тәне чиста була. Шуңа күрә аякларыннан башка аның бүтән җирен юу кирәк түгел, – диде Гайсә. – Сез чиста, әмма барыгыз да түгел.

Үзенә кемнең хыянәт итәчәген белгәнгә, Ул: «Сезнең барыгыз да чиста түгел», – диде.

Шәкертләренең аякларын юып бетергәч, киемен киеп, Ул яңадан урынына барып утырды һәм аларга:– Минем нәрсә эшләгәнемне аңлыйсызмы?

Сез Мине Остаз һәм Раббы дип атыйсыз. Сез хаклы: Мин нәкъ Шулмын.

Шулай итеп, Мин – сезнең Раббыгыз һәм Остазыгыз, сезнең аякларыгызны юганмын икән, сез дә бер-берегезнең аякларын юарга тиеш.

Сез дә Мин сезгә эшләгән кебек эшләсен дип, сезгә үрнәк күрсәттем.

Сезгә хак сүз әйтәм: хезмәтче үзенең хуҗасыннан бѳегрәк түгел, җибәрелгән дә үзен җибәрүчедән бѳек түгел.

Сез хәзер моны беләсез. Белгәнегезне үтисез икән, сез – бәхетле.

Мин барыгыз турында да әйтмим. Кемнәрне сайлап алганымны беләм, ләкин Изге язмада: «Минем белән бергә икмәк ашаучы Миңа каршы үкчәсен күтәрде», – дип язылган сүзләр тормышка ашырга тиеш.

Алар тормышка ашкан вакытта сез Минем мәңге бар булуыма ышансын ѳчен, Мин сезгә бу сүзләр тормышка ашканчы ук сѳйлим.

Сезгә хак сүз әйтәм: Мин җибәргән кешене кабул итүче Мине кабул итә; Мине кабул итүче исә Мине Җибәрүчене кабул итә.

Моны әйткәннән соң Гайсә борчылды һәм шәкертләренә шаһитлек биреп:– Сезгә хак сүз әйтәм: сезнең берегез Миңа хыянәт итәчәк, – диде.

Шәкертләре исә, Аның кем хакында сѳйләвен һич аңламыйча, бер-берсенә караштылар.

Аларның берсе – Гайсәнең яраткан шәкерте – Аның күкрәгенә терәлеп диярлек утыра иде.

Гайсәнең кем хакында сѳйләвен сорарга кушып, Шимун Петер шул шәкерткә ишарә итте.

Теге шәкерт, Гайсәгә тагын да якынрак килеп, Аннан:– Раббым, ул кем? – дип сорады.

Гайсә, җавап биреп:– Мин бер сынык икмәкне кемгә манып бирсәм, ул – шул, – диде һәм, бер сынык икмәкне манып, Шимун Искариот улы Яһүдкә бирде.

Шул сыныкны кулына алуга ук аның эченә шайтан керде. Шунда Гайсә Яһүдкә:– Эшлисе эшеңне тизрәк эшлә, – диде.

Әмма Гайсәнең аңа ни ѳчен шулай дип әйтүен анда утыручыларның берсе дә аңламады.

Акча янчыгы Яһүдтә булганлыктан, кайберәүләр: Гайсә аңа бәйрәм ѳчен безгә кирәк булган әйберләрне сатып алырга, яки фәкыйрьләргә нәрсә дә булса бирергә кушкандыр, дип уйладылар.

Сыныкны алу белән Яһүд чыгып китте. Тѳн иде.

Яһүд чыгып киткәч, Гайсә әйтте:– Хәзер Адәм Улы данланды һәм Аның аша Аллаһы данланды.

[Аллаһы Аның аша данлана икән] Ул да Адәм Улын Үзендә данлаячак, һәм шунда ук данлаячак.

Балаларым! Мин сезнең белән инде озак булмам. Сез Мине эзләрсез. Яһүдләргә әйткән сүзләремне сезгә дә әйтәм: Сез Мин китәчәк урынга килә алмассыз.

Сезгә яңа әмер бирәм: бер-берегезне яратыгыз. Мин сезне яраткан кебек, сез дә бер-берегезне яратыгыз.

Бер-берегезне яратуыгыздан барысы да сезнең Минем шәкертләрем булуыгызны белерләр.

Шимун Петер Гайсәдән:– Раббым! Син кая китәсең? – дип сорады.Гайсә аңа:– Мин китәчәк урынга Син хәзер ияреп бара алмыйсың, әмма соңыннан киләчәксең, – дип җавап бирде.

– Раббым! Ни ѳчен Синең артыңнан хәзер бара алмыйм? Синең ѳчен җанымны да бирергә әзер, – диде Аңа Петер.

Гайсә аңа:– Син Минем ѳчен җаныңны да бирергә әзерме? Сиңа хак сүз әйтәм: әтәч кычкырганчы, син Миннән ѳч тапкыр ваз кичәчәксең, – диде.

← Предыдущая

От Иоанна

Следующая →

1 2 3 4 5 6 7 8 9 10 11 12 13 14 15 16 17 18 19 20 21

Выбор основного перевода