Книга Деяния Cтих 25 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Деяния Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

Деяния

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

1

Исән-имин ярга чыгып җиткәч, утрауның Мальта дип аталуын белдек.

2

Утрау кешеләре безгә гадәттән тыш кунакчыл булдылар. Яңгыр ява башлаганга һәм салкын булганга күрә учак яктылар һәм безнең барыбызны да учак янына чакырдылар.

3

Паул үзе җыеп алып килгән бер кочак чыбык-чабыкны учакка салгач, уттан атылып чыккан бер зәһәрле елан аның кулына ябышып калды.

4

Утрау кешеләре, аның кулында асылынып торган еланны күреп, бер-берсенә: – Бу адәм – кеше үтерүче. Диңгездән котылса да, гаделлек алиһәсе аны исән калдырмады, – диештеләр.

5

Әмма Паул еланны утка селкеп тѳшерде һәм аз гына да җәрәхәтләнмәде.

6

Кешеләр, ул шешенер, яки кинәт егылып үләр, дип кѳттеләр. Әмма озак кѳткәннән соң, аңа һичнинди зарар булмаганлыгын күреп, фикерләрен үзгәрттеләр: – Ул – илаһ, – диделәр алар.

7

Шул урыннан ерак түгел утрау башлыгы Поплиның хуҗалыгы урнашкан иде. Ул безне үз йортына чакырды һәм ѳч кѳн буе дусларча кунак итте.

8

Поплиның атасы бизгәк һәм корсак авыруы белән җәфаланып ята иде. Паул, аның янына кереп, дога кылды һәм, аның ѳстенә кулларын куеп, аны савыктырды.

9

Бу вакыйгадан соң утраудагы башка авырулар да Паул янына килделәр һәм савыктылар.

10

Утрауда яшәүче кешеләр безгә күп хѳрмәт күрсәттеләр, ә китәргә җыенгач, кирәкле әйберләр белән тәэмин иттеләр.

11

Мальта утравында ѳч ай торганнан соң, шул утрауда кышлаган, күк игезәкләре сурәте тѳшерелгән, Искәндәрия шәһәреннән булган бер корабка утырып, юлга чыктык.

12

Суракүсай шәһәренә килеп җиткәч, анда ѳч кѳн булдык.

13

Аннан Ригиун шәһәренә килдек. Икенче кѳнне, кѳньяк җиле исә башлагач, Ригиуннан киттек һәм ике кѳндә Потиулуй шәһәренә килеп җиттек.

14

Ул шәһәрдә туганнарны очраттык, һәм алар бер атнага үзләре янында калуыбызны үтенделәр. Шулай итеп без Римга килеп җиттек.

15

Андагы туганнар, безнең хакта ишетеп, Аппи мәйданы һәм Ѳч кунакханә шәһәрләре янына тикле җитеп, безне каршы алырга килгәннәр. Аларны күргәч, Паул Аллаһыга шѳкрана кылды, аның күңеле күтәрелде.

16

Рим шәһәрендә Паулга сак астында аерым яшәргә рѳхсәт ителде.

17

Римга килеп ѳч кѳн торганнан соң Паул яһүдләрнең башлыкларын җыйды. – Туганнар! Үз халкыбызга яки аталарыбызның йолаларына каршы һичбер нәрсә эшләмәсәм дә, мин Иерусалимда тоткын булдым һәм римлылар кулына тапшырылдым, – диде ул аларга. –

18

Алар миннән сорау алганнан соң, үлемгә хѳкем итәрлек һичнинди гаебем булмаганга күрә азат итәргә теләгәннәр иде.

19

Әмма, яһүдләр моңа каршы килгәнлектән, мин кайсарга мѳрәҗәгать итәргә мәҗбүр булдым, ләкин үз халкымны нәрсәдә дә булса гаепләү максаты белән түгел.

20

Шуңа күрә мин сезне очрашып сѳйләшергә чакырдым. Чѳнки минем шушы богауларым Исраил баглаган ѳмет ѳчен, – диде Паул.

21

Ә алар аңа: – Без Яһүдиядән синең хакта хатлар да алмадык, Яһүдиядән килгән туганнардан да беркем синең хакта бернәрсә хәбәр итмәде һәм начар сүзләр сѳйләмәде.

22

Хәер, без синең фикерләреңне үзеңнән ишетергә теләр идек. Чѳнки безгә билгеле булганча, һәркайда бу мәзһәбкә каршы сѳйлиләр, – диделәр.

23

Билгеләнгән кѳнне Паул яшәгән йортка элек килгәннән дә күбрәк кешеләр килде. Ул иртәдән кичкә тикле Аллаһы Патшалыгы хакында аңлатты, Гайсә турында Муса кануныннан һәм пәйгамбәрләр язмаларыннан дәлилләр китереп, аларны инандырырга тырышты.

24

Кайберләре аның сүзләренә инандылар, кайберләре исә ышанмадылар

25

һәм бер-берсе белән килешә алмыйча таралыштылар. Алар киткәнче Паул болай диде: – Изге Рух сезнең аталарыгызга Ишагыйя пәйгамбәр аркылы менә нинди яхшы сүзләр әйткән:

Параллельные места

2. Петра 1:21

Чѳнки пәйгамбәрлек сүзе беркайчан да кеше ихтыярыннан бирелмәде, бәлки кешеләр Аллаһыдан килгән хәбәрне Изге Рухтан рухландырылып сѳйләделәр.

26

«Бу халык янына бар да әйт: Тыңлап-тыңлап та, аңламассыз, Карап-карап та, күрмәссез.

27

Чѳнки бу халыкның йѳрәген май баскан. Кѳчкә генә ишетә колаклар, Күзләрен дә алар йомганнар. Әгәр шулай булмаса, Күзләре белән күрерләр, Колаклары белән ишетерләр иде. Йѳрәкләре белән аңларлар, Миңа таба борылырлар Һәм Мин аларны савыктырыр идем».

28

Шуңа күрә сезгә мәгълүм булсын: яһүд булмаган халыкларга Аллаһының коткаруы турындагы хәбәр җибәрелгән һәм аны алар тыңларлар, – диде Паул. [

29

Ул шулай дигәннән соң, яһүдләр бик нык бәхәсләшә-бәхәсләшә таралыштылар.]

30

Ә Паул үзе түләп торган йортта ике ел буе яшәде һәм янына килүчеләрнең барысын да кабул итте.

31

Ул кыюлык белән һәм каршылыкларга очрамыйча Аллаһы Патшалыгы турында сѳйләде һәм Раббы Гайсә Мәсих хакында ѳйрәтте.

← Предыдущая

Деяния

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

Выбор основного перевода