Книга Деяния Cтих 20 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Деяния Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

Деяния

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

1

Фетнә тукталганнан соң Паул шәкертләрне үзе янына чакырып алды, аларның күңелләрен күтәрде һәм, алар белән саубуллашып, Македуния ѳлкәсенә китте.

2

Авыллар, шәһәрләр аша үткәндә, иман итүчеләрне дәртләндереп, күп нәсыйхәт бирде. Паул Грециядә тукталды.

3

Ул анда ѳч ай булды. Су юлы белән Суриягә китәргә дип торганда, яһүдләр аңа һѳҗүм итәргә сүз куештылар. Шуңа күрә ул, Македуния аша кайтырга, дигән фикергә килде.

4

Аны Пур улы беруяле Сопатыр, тессалуникәлеләрдән Аристарх һәм Сикүнди, дербиле Гәй, шулай ук Тимуте һәм асиялеләр Тухик белән Трофим озата бардылар.

5

Алар, алдан китеп, безне Троас шәһәрендә кѳтеп тордылар.

6

Ә без Тѳче күмәч бәйрәменнән соң Филиппуйдан су юлы белән киттек һәм, биш кѳн дигәндә, алар янына Троаска килеп җиттек. Без анда җиде кѳн булдык.

7

Атнаның беренче кѳнендә икмәк сындырып ашау ѳчен бергә җыелдык. Паул иман итүчеләр белән әңгәмә корып утырды һәм, икенче кѳнне китәргә ниятләгәнгә күрә, әңгәмәне тѳн уртасына кадәр дәвам итте.

8

Без җыелган ѳске каттагы бүлмәдә күп яктырткычлар яна иде.

9

Паул сѳйләгән вакытта, тәрәзә тѳбендә утырган Әүтух исемле бер яшь егетне йокы басты һәм ул, йоклап китеп, ѳченче каттан егылып тѳште. Аны күтәрделәр, ул үле иде.

10

Паул урамга чыкты, егетнең ѳстенә иелеп аны кочаклады һәм: – Борчылмагыз, ул исән, – диде.

11

Паул янә бүлмәгә менеп, икмәк сындырып ашады, аннары тагын бик озак, таң атканга кадәр, шәкертләр белән сѳйләшеп утырды һәм иртә таңнан юлга чыкты.

12

Теге яшь егетне ѳенә алып киткәндә ул тере иде. Бу хәлгә бар кешеләр бик куанды.

13

Без корабка утырып Ассус шәһәренә таба юл алдык. Паул коры җирдән барырга һәм шул шәһәрдә безгә кушылырга булды.

14

Ассус шәһәрендә очрашканнан соң, Паулны алып, Митулини шәһәренә килдек.

15

Митулинидән киткәннең икенче кѳнендә Хиос утравы каршында тукталдык, ә иртәгесен Сам утравында идек һәм тагын бер кѳннән Милит шәһәренә килеп җиттек.

16

Паул, Асия ѳлкәсендә тоткарланмас ѳчен, Эфесне читләтеп үтәргә булды. Чѳнки ул, мѳмкинлек булса, Илленче кѳн бәйрәме җиткәнче Иерусалимда булырга ашыга иде.

17

Ул, Милиттән Эфескә кешеләр җибәреп, бердәмлектәге ѳлкәннәрне чакыртты.

18

Алар килеп җиткәч: – Асия ѳлкәсендә сезнең белән беренче кѳннән үк ничек яшәгәнемне үзегез беләсез, – диде ул аларга.

19

– Зур күндәмлек һәм күп күз яшьләре белән, яһүдләрнең явыз ниятләре аркасында килгән сынаулар эчендә Раббыга хезмәт иттем.

20

Сезгә файдалы булырлык бернәрсәне дә бәян итмичә калдырмадым, сезне халык алдында да, ѳйдән-ѳйгә йѳреп тә ѳйрәттем.

Параллельные места

Деяния 20:27

Чѳнки мин сезгә Аллаһының ихтыярын тулысы белән бәян иттем.

21

Тәүбә итеп Аллаһыга таба борылуның һәм Раббыбыз Гайсәгә иман китерүнең кирәклеге турында яһүдләргә дә, яһүд булмаганнарга да җитди рәвештә игълан иттем.

22

Ә хәзер, Рухның ихтыярына буйсынып, Иерусалимга барам. Мине анда нәрсә кѳтә? Мин белмим.

23

Мин фәкать шуны беләм: барлык шәһәрләрдә мине богаулар һәм хәсрәт кѳтә. Изге Рух шулай ди.

24

Ләкин минем ѳчен үз тормышымның кадере юк, тик хезмәтемне һәм Гайсә Раббыдан кабул итеп алган эшне – Аллаһының мәрхәмәте турындагы Яхшы хәбәрне вәгазь итү вазифасын тѳгәлләргә телим.

25

Хәзер Мин беләм: минем, сезнең арагызда йѳреп, Аллаһы Патшалыгын вәгазьләвемне ишеткән һәммәгез мине бүтән күрмәячәксез.

26

Шуңа күрә мин бүген сезгә әйтәм: әгәр берәрегез һәлак булса, сезнең каныгызда минем гаеп юк.

27

Чѳнки мин сезгә Аллаһының ихтыярын тулысы белән бәян иттем.

28

Шулай итеп, үзегез турында һәм Изге Рух сезне кѳтүчеләр итеп куйган кѳтү турында кайгыртыгыз. Үз Улының каны аша Аллаһы Үзенеке иткән бердәмлеккә кѳтүчеләр булыгыз.

29

Мин киткәннән соң, сезнең яныгызга рәхимсез, кѳтүгә карата аяусыз бүреләрнең киләчәген мин беләм.

30

Иман итүчеләрне үзләренә ияртү ѳчен сезнең арагыздан да ялган сѳйләүчеләр чыгачак.

31

Шуңа күрә сак булыгыз, ѳч ел буе сезнең һәрберегезгә күз яшьләре белән кѳне-тѳне нәсыйхәт бирүемне хәтерегездән чыгармагыз.

32

Хәзер сезне Аллаһы кулына һәм Аның мәрхәмәте турындагы сүзгә тапшырам. Ул сүз сезне тагын да ныгытырга һәм барлык изге ителгәннәр арасында сезгә мирас бирергә сәләтле.

33

Мин һичкемнең алтын-кѳмешен дә, киемен дә теләмәдем.

34

Үзегез беләсез, минем ихтыяҗларымны һәм минем белән булганнарның хаҗәтләрен менә шушы кулларым канәгатьләндерде.

35

Раббы Гайсәнең: «Алуга караганда бирүдә бәхет күбрәк», – дигән сүзләрен истә тотып, тырышлык куеп, хәлсезләргә ярдәм итәргә кирәк. Шулай эшләргә кирәклекне мин һәр эштә күрсәттем.

36

Сѳйләп бетергәч, Паул, тезләнеп, алар белән бергә дога кылды.

37

Һәммәсе елады, Паулны кочаклап үптеләр.

38

Бигрәк тә «Мине бүтән күрмәячәксез инде» дигән сүзләренә кайгырдылар. Аннары аны корабка чаклы озата бардылар.

← Предыдущая

Деяния

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

Выбор основного перевода