Книга Бытие Cтих 34 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Бытие Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Уьлкеде алда, Ибрагьимни заманларында йимик, ачлыкъ бола. Исгьакъ Авимелегь деген филистим пачаны ягъына Герар шагьаргъа багъып гете.

Раббибиз Исгьакъгъа гёрюнюп, булай дей: – Мисриге барма, Мен сагъа гёрсетежек уьлкеде яшап тур.

Шо уьлке сени сыйындыражакъ, Мен буса сени булан болуп туражакъман ва сени шабагьатлажакъман. Сени атанг Ибрагьимге берген антымны кютежекмен: Мен шо бары да топуракъланы сагъа ва сени наслуларынга бережекмен.

Мен сагъа кёкдеги юлдузланы санаву чакъы кёп наслулар бережекмен. Олагъа бары да шу топуракъланы бережекмен. Сени наслуларынгдан таба дюньяны бары да халкъларына шабагьат этилежек.

Ибрагьим Магъа таби болгъаны, бары да буйрукъларымны, уьйретивлеримни кютгени саялы, Мен олагъа шабагьат этежекмен.

Шо саялы Исгьакъ Герарда ерлеше.

Мунда яшайгъанлар огъар Ребеканы гьакъында сорагъанда, о: «Бу мени къызардашым», – деп жавап берип къоя. Исгьакъ: «О мени къатыным», – деп айтма къоркъа, неге тюгюл де ондагъы эргишилер бек арив Ребеканы алмакъ учун, оьзюн оьлтюрер деп ойлаша.

Заман гетип тура. Бир керен филистим пачасы Авимелегь терезеден таба Исгьакъ Ребеканы къучакълап айланагъанын гёрюп къоя.

Исгьакъны оьзюню ягъына чакъырып: – О чу сени къатынынг экен?! Къызардашым деп неге айтдынг? – деп сорай. – О саялы мени оьлтюрюп къояр деп къоркъа эдим, – деп жавап бере Исгьакъ.

– Недир сен бизге этегенинг? Арабыздан ким буса да бирев сени къатынынга ювукълукъ этип къойгъан буса, уьстюбюзге чи бек уллу гюнагь тюшер эди! – дей Авимелегь.

Авимелегь бары да халкъына: – Ким бу адамгъа яда муну къатынына тийсе, о оьлюмге тарылажакъ, – деп билдире.

Шо уьлкеде де ерлешип, Исгьакъ ашлыкъ чачма башлай. Ону гелими юз керен артыкъ бола, неге тюгюл Раббибиз ону шабагьатлай болгъан.

Ону байлыгъы артып тербей ва о бек бай адам болуп токътай.

Ону къой сиривлери, сыйыр туварлары ва кёп къуллукъчулары бола. Филистимлилер огъар гюнчюлюк этме башлай.

Олар Ибрагьимни заманында Ибрагьимни къуллары къазгъан къуюларын топуракъ тёгюп толтуралар.

Авимелегь де Исгьакъгъа: – Бизин къырыйыбыздан тайып, ари гет, неге тюгюл де сен бизден эсе хыйлы гючлю болуп токътадынг, – дей.

Исгьакъ да шо ерден тайып, ари гете. О Герар къолда чатыр къуруп орунлаша ва шонда ерлеше.

Онда о Ибрагьимни заманында къазылып, о гечинген сонг буса филистимлилер топуракъ булан басдырып къойгъан къуюланы янгыдан къазып ачма башлай. Шо къуюлагъа о Ибрагьим бир вакътилерде берген атларын къайтара.

Бир керен къолда Исгьакъны къуллары къазып булакъ чыгъара.

Тек герарлы къойчулар Исгьакъны къойчулары булан: «Шо сув бизинки!», – деп эришме башлайлар. Шо саялы Исгьакъ бу къуюгъа Эсек деп ат тагъа, неге тюгюл де олар ону булан эрише болгъанлар.

Башгъа къую къазалар, тек шону уьстюнден де эришивлюк бола. Шо саялы огъар Ситна деп ат тагъалар.

Шо заман Исгьакъ, дагъы да арекге гетип, бирдагъы къую къаза. Шону уьстюнден буса эришивлюк болмай. Шо къуюгъа Исгьакъ Регьобот деп ат тагъа. Шо «Биз шу топуракъда артсын деп, Раббибиз ахырда да бизге эркин топуракъ берди» деген затны англата болгъан.

Сонг Исгьакъ Бер-Шебагъа къайта.

Онда тап биринчи гечесинде огъар Раббибиз гёрюне. – Мен сени атанг Ибрагьимни Аллагьыман. Къоркъма, Мен сени буланман. Мен сени шабагьатлажакъман, сени наслунгну артдыражакъман. Мен шону къулум Ибрагьим саялы этежекмен, – дей О.

Исгьакъ шо ерде къурбанлыкъны салагъан ер къуруп ва Аллагьны атын тутуп сёйлей. Шонда чатырларын къура ва къуллары къую къазма башлайлар.

Шо заман Герардан Авимелегь вазири Агьузат ва асгербашы Пигьол булан Исгьакъны ягъына геле.

– Неге гелдигиз мени ягъыма? Сиз чи мени сюймейген болуп, къувалап йиберген эдигиз! – деп сорай Исгьакъ.

– Раббибиз сени булан экенни биз гёрюп турабыз, шо саялы да бизин ант байлагъанын сюебиз. Разилешив бегетейик!

Сен бизге яманлыкъ этмежекмен деп ант эт: биз де сагъа яманлыкъ этмедик чи, яхшылыкъ этдик, сени парахат гетме къойдукъ. Гьали Аллагь сени шабагьатлагъаны англашылды, – дей олар.

Исгьакъ олар учун уллу къонакълыкъ эте. Олар ашайлар, ичелер.

Эртенине олар бир-бирине ант этелер. Исгьакъ оланы йибере, олар да ону ягъындан парахатлыкъ булан гете.

Исгьакъны янына гелип, огъар сув тапгъанын билдирелер.

Исгьакъ шо къуюгъа Шеба деп ат тагъа. (Шагьарны аты бугюнлеге ерли де Бер-Шеба.)

Оьзюне къыркъ йыл болагъанда, Исав хетли Беерни къызы Егьудитни ва хетли Элонну къызы Басематны къатынлар этип ала.

Параллельные места

Бытие 28:8

Бытие 36:2

Шо заман Исав атасы гьананлы къызланы къабул этмейгенни англай. Исав къатын этип гьананлы эки къызны ала: хетли Элонну къызы Аданы ва гьивейли Сивеонну къызыны къызы, Ананы къызы Агаливаманы.

Исгьакъгъа ва Ребекагъа оланы экевю де булан яшама къыйын бола.

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Выбор основного перевода