Мен сенден бир уллу халкъ болдуражакъман ва сени шабагьатлажакъман. Мен сени атынгны белгили этежекмен, сенден таба башгъалар да шабагьатланажакъ!
Шо заман Раббибиз Ибрайимге гёрюнюп: – Мен шу топуракъны сени наслуларынга бережекмен, – дей. Шонда Ибрайим гёрюнген Раббибизге къурбанлыкъны салагъан ер къура.
Сен гёрюп турагъан бу бары топуракъны Мен даимликге сагъа ва сени наслуларынга бережекмен.
Шо гюн Раббибиз Ибрайим булан булай разилешив бегете: – Сени наслуларынга Мен Мисри оьзенден тутуп уллу Фират оьзенге ерли кенлилени, кенислилени, кадмонлуланы, хетлилени, перислилени, рефаимлилени, аморлуланы, гьананлыланы, гиргашлыланы ва евуслуланы бу топуракъларын барын да беремен.
Ибрагьим шо ерлерден къыблагъа, Негевге багъып гетип, Кадешни ва Шурну ортасында яшама башлай, сонг буса Герар деген шагьарда ерлеше.
– Оьзюм булан ант этемен, – дей Рабби Аллагь: сен шу затны этгенинг, демек биргине-бир уланынгны бермеге къызгъанмагъанынг саялы,
Мен сени шабагьатлама да бир шабагьатлажакъман дагъы! Мен сагъа кёкдеги юлдузланы санаву чакъы, денгиз ягъадагъы къайыр бюртюклер чакъы кёп наслулар бережекмен. Сени наслуларынгны алдында душманларынгны къапулары дагъылып къалажакъ!
Мени буйругъумну кютгенинг саялы, сени наслуларынгдан таба дюньяны бары да халкъларына шабагьат этилежек.
Мен даим сени булан болуп туражакъман. Сен къайда барсанг да, Мен сени къоруп сакълап туражакъман. Сени бу уьлкеге къайтарып гелтирежекмен. Мен сени къоюп къоймажакъман, ваъда этген бары да затымны яшавгъа чыгъаражакъман.