Шо заман Раббибиз Ибрайимге гёрюнюп: – Мен шу топуракъны сени наслуларынга бережекмен, – дей. Шонда Ибрайим гёрюнген Раббибизге къурбанлыкъны салагъан ер къура.
Сонг о Бет-Эл деген шагьарны гюнтувуш ягъында ерлешген тавлагъа багъып тербене ва онда оьзюню чатырларын къура. Бет-Эл шо ерни гюнбатыш ягъында, Гай деген шагьар буса гюнтувуш ягъында болгъан. Шонда Ибрайим Раббибизге къурбанлыкъны салагъан ер къуруп, Ону атын тутуп сёйлей.
Ёлун узата туруп, Ибрайим Негевден Бет-Элге багъып гете. О тап алда оьзюню чатырларын къургъан ва къурбанлыкъны салагъан ерни къургъан ерге багъып бара. Шонда Ибрайим Раббибизни атын тутуп сёйлей.
Оьзюню чатырларын гёчюрюп, Ибрайим Гьеврон шагьарда, Мамре деген адамны эменлигини ювугъунда орунлаша. Шонда о Раббибизге къурбанлыкъны салагъан ер къура.