Кхечу къаьмнийн массо а деланаш – цІуш бу, ткъа Везачу Эло стигалш кхоьллина.
Ткъа церан деланаш детих а, деших а бина бу, уьш адамийн куьйгашца бина болу цІуш бу.
Церан батош ю, амма цара къамел ца до, церан бІаьргаш бу, амма царна хІумма а ца го.
Церан лергаш а ду, амма царна ца хеза. Церан марош а ду, амма царна хьожа ца йогІу.
Куьйгаш а ду церан, амма уьш хьакха ца ло. Когаш а бу церан, амма уьш лелаш бац. Церан легашкара аз а ца долу.
Царах терра хир бу уьш беш берш а, царах тешна Іаш верг муьлхха а.
Декъалдойла шу Везачу Эло, стигал а, латта а кхоьллинчо.
Иза гІел а лур вац, дог эшна а хир вац, лаьтта тІехь Ша нийсо дІахІоттаяллалц. ХІордан йистера дехаш долу къаьмнаш Цуьнан хьехамах дог тешна хир ду».
Хьан ПаргІатдоккхург а, ненан кийрахь долуш дуьйна хьо дІанисдинчу а Везачу Эло иштта боху: «Дерриг а хІума кхоьллина волу Веза Эла ву Со. Ас-Айса дІасаяржийна стигалш, Сайн ницкъаца латта а дІадаржийна.
(Аша, наха, иштта дІаала цаьрга: «Цу цІуша стигалш а, латта а ца кхоьллина, уьш лаьтта тІера а, стигалшна бухара а дІаяьхна хир ю».)
Шен нуьцкъалаллица Цо дуьне кхоьллина, Шен хьекъалаллица иза чІагІдина, Шен хьекъалца лаьтта тІехула стигалш яржийна.
Цу тайпана цІушна сагІина еанчу юучу хІуманах лаьцна хууш ду-кх, кху дуьненахь цІу хІумма а воцург вуйла а, иштта, цхьа Дела воцург, кхин Дела воцийла а.