Книга Откровение Cтих 6 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Откровение Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

Откровение

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22

Эфес бердәмлегенең фәрештәсенә яз: «Үзенең уң кулында җиде йолдыз тотучы һәм җиде яктырткыч арасында Йѳрүче болай әйтә:

Синең эшләреңне, авыр хезмәтеңне, сабырлыгыңны һәм явызларга чыдап тора алмаганыңны беләм. Үзләрен рәсүл дип (ә алар рәсүл түгел) атаучыларны сынаганыңны һәм аларны ялганчылар дип тапканыңны беләм.

Синең сабырлыгың барлыгын, Минем исемем ѳчен күп нәрсәләр кичереп тә арымаганыңны беләм.

Әмма сиңа каршы шелтәм бар: син беренче мәхәббәтеңне калдырдың!

Шулай итеп, кайдан егылганыңны исеңә тѳшер һәм, тәүбә итеп, элеккеге эшләреңне эшлә. Югыйсә, әгәр тәүбә итмәсәң, яныңа килермен һәм синең яктырткычыңны урыныннан кузгатырмын.

Ләкин яхшы ягың бар: Никүләй тарафдарларының эшләрен нәфрәт итәсең. Аларны Мин дә нәфрәт итәм.

Параллельные места

2. Петра 2:2

Откровение 2:15

Күпләр аларның азгын яшәешенә иярер, һәм аларның эшләре аркасында хакыйкать юлы хурланыр. Шулай ук синдә Никүләй тарафдарларының тәгълиматын тотучылар бар.

Рухның бердәмлекләргә әйткәнен колагы булган ишетсен. Җиңүчегә Мин Аллаһы оҗмахында булган тереклек агачыннан ашарга бирәчәкмен».

Смурна бердәмлегенең фәрештәсенә яз: «Беренче һәм Соңгы, үлгән һәм терелеп Торган болай дип әйтә:

Синең хәсрәт чигүеңне һәм фәкыйрьлегеңне беләм, әмма син бай. Үзләрен яһүдләр дип атаучыларның сине хурлауларын күтәргәнеңне беләм. Алар яһүдләр түгел, бәлки шайтан җыены.

Алда сине кѳткән һичнәрсәдән курыкма. Синең кешеләреңне сынар ѳчен, арагыздан кайберләрегезне иблис тѳрмәгә утыртачак һәм ун кѳн буе алар хәсрәт кичерәчәк. Үлгәнгә тикле тугры бул, һәм сиңа тормыш таҗы бирәчәкмен.

Рухның бердәмлекләргә әйткәнен колагы булган ишетсен. Җиңүче икенче үлемнән һичнинди зыян күрмәс».

Пергәм бердәмлегенең фәрештәсенә яз: «Ике ягы да үткен кылычы булган Зат болай дип әйтә:

Синең кайда яшәвеңне беләм: анда шайтан тәхете тора. Син Миңа булган иманыңны саклап тотасың. Сездә, шайтан яшәгән җирдә, тугры шаһитем Антипас үтерелгән вакытта да син Миңа булган иманыңнан ваз кичмәдең.

Әмма сиңа каршы берничә шелтәм бар: синдә Бильям тәгълиматын тотучылар бар. Ә ул, потка бүләк итеп китергән корбаннарны ашасыннар һәм фәхешлеккә бирелсеннәр дип, Исраил улларын гѳнаһка кертергә Балакны ѳйрәткән бит.

Шулай ук синдә Никүләй тарафдарларының тәгълиматын тотучылар бар.

Шуңа күрә, тәүбә ит. Югыйсә, тиздән яныңа килермен һәм авызымнан чыккан кылыч белән аларга каршы кѳрәшермен.

Рухның бердәмлекләргә әйткәнен колагы булган ишетсен. Җиңүчегә серле манна һәм ак таш бирәчәкмен. Ул ташта исә, аны алучыдан башка һичкем белмәгән яңа исем язылган булыр».

Түәтәйрә бердәмлегенең фәрештәсенә яз: «Күзләре ут ялкыны кебек һәм аяклары ялтырап торган бронза сыман булган Аллаһы Улы болай дип әйтә:

Синең эшләреңне, мәхәббәтеңне, иманыңны, хезмәтеңне, сабырлыгыңны, һәм синең соңгы гамәлләрең беренчеләреннән яхшырак булуын беләм.

Әмма сиңа каршы шелтәм бар: үзен пәйгамбәр дип атаган Изебел исемле хатынга фәхешлеккә һәм потларга корбан ителгән ризыкны ашарга ѳйрәтеп, Минем колларымны юлдан яздырырга юл куясың.

Мин аңа, тәүбә кылсын дип, вакыт бирдем, әмма ул үзенең фәхешлегеннән тәүбә итәргә теләми.

Менә, Мин аны каты авыру түшәгенә салачакмын. Һәм, аның гамәлләреннән баш тартмасалар, ул хатын белән бергә зина кылучыларны зур кайгыга дучар итәчәкмен.

Аның иярченнәрен үлемгә дучар итәчәкмен, һәм эчке уйларны, теләкләрне тикшереп Белүче булуымны барча бердәмлекләр дә беләчәкләр. Барыгызга да эшегезгә карата тиешлесен бирермен.

Аның тәгълиматын тотмаган һәм шайтанның тирән серләрен белмәгән, Түәтәйрәдә яшәгән калган туганнарга исә моны әйтәм: сезгә башка йѳк салмаячакмын.

Тик Мин килгәнгә кадәр үзегездә булганны тотып торыгыз.

Җиңүчегә һәм Минем эшләремне ахырга тикле үтәүчегә халыклар ѳстеннән хакимлек итәргә бирәчәкмен.

Һәм ул алар ѳстеннән тимер таяк белән хакимлек итәчәк; Алар балчык чүлмәк сыман ватылачаклар.

Ул Мин Атамнан алган шул ук хакимлекне алачак, һәм Мин җиңүчегә таң йолдызы бирәчәкмен.

Рухның бердәмлекләргә әйткәнен колагы булган ишетсен».

← Предыдущая

Откровение

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22

Выбор основного перевода