Книга От Матфея Cтих 35 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

От Матфея Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

От Матфея

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

Күкләр Патшалыгы ул вакытта менә нәрсәгә охшар. Күз алдыгызга китерегез: ун кыз, кулларына яктырткычлар алып, кияү каршыларга чыккан.

Аларның бишесе – ахмак, ә бишесе исә акыллы булган.

Ахмаклары яктырткычларын алганнар, ә үзләре белән май алмаганнар.

Акыллылары исә, яктырткычлар белән бергә чүлмәкләрдә май да алганнар.

Кияү тоткарланганлыктан, кызлар йокымсырый башлаган һәм йоклап киткәннәр.

Тѳн уртасында: «Кияү килә, аны каршыларга чыгыгыз!» – дип кычкырган тавыш ишетелгән.

Шул вакытта бѳтен кызлар уянып китеп, яктырткычлары яхшырак янсын ѳчен, аларны рәтләгәннәр.

Ахмаклары акыллыларга: «Безнең яктырткычларыбыз сүнә, безгә май бирегезче», – дип әйткәннәр.

Ә акыллылары: «Юк, безнең май бѳтенебезгә дә җитмәс. Алай булмасын ѳчен, сатучыларга барып, май сатып алыгыз», – дигәннәр.

Әмма алар сатып алырга дип киткән арада, кияү килеп җиткән. Кияүне каршылау ѳчен барын да әзерләп куйган кызлар аның белән бергә туй мәҗлесенә киткәннәр, һәм алар артыннан ишек ябылган.

Аннан соң калган кызлар да килгәннәр. «Әфәнде, безгә ач!» – дип әйткәннәр алар.

Ләкин ул: «Хак сүз сезгә әйтәм: мин сезне белмим», – дип җавап кайтарган.

Шуңа күрә уяу булыгыз: сез бит кѳнен дә, сәгатен дә белмисез, – диде Гайсә.

– Чѳнки ул менә моңа охшаш булыр: бер кеше, чит илләргә киткәндә, хезмәтчеләрен чакырып алып, аларга үзенең милкен ышанып калдырган.

Һәркайсына сәләтенә карап: берсенә ул биш талант, икенчесенә ике талант һәм ѳченчесенә бер талант күләмендә акча калдырган. Ә үзе китеп барган.

Биш талант алганы, шунда ук эшкә керешеп, тагын биш талант казанган.

Ике талант алганы да, шулай ук, тагын ике талант казанган.

Ә бер талант алганы исә, китеп, хуҗасының акчаларын яшереп җиргә күмеп куйган.

Күп вакыт үткәннән соң, хезмәтчеләрнең хуҗалары әйләнеп кайткан һәм алардан хисаплашуларын таләп иткән.

Биш талант алганы тагын бишне китергән. «Хуҗам, – дигән ул, – син миңа биш талант бирдең. Кара, мин тагын бишне эшләп таптым».

Хуҗасы аңа әйткән: «Яхшы эшләгәнсең, син – яхшы һәм тугры хезмәтче. Кечкенә эштә син тугры булдың, мин сиңа зурысын йѳкләрмен. Килеп, минем шатлыгымны уртаклаш».

Ике талант алганы да килгән һәм әйткән: «Хуҗам, син миңа ике талант бирдең. Менә, мин тагын ике талант эшләп таптым».

Хуҗасы аңа әйткән: «Яхшы эшләгәнсең, син – яхшы һәм тугры хезмәтче. Кечкенә эштә син тугры булдың, мин сиңа зурысын йѳкләрмен. Килеп, минем шатлыгымны уртаклаш».

Инде бер талант алганы килгән һәм әйткән: «Хуҗам, мин синең каты бәгырьле кеше икәнеңне белдем: үзең чәчмәгән җирдә урасың, утыртмаган җирдә җыясың.

Мин синнән курыктым һәм акчаңны җиргә күмдем. Менә алар, ал үзеңнең акчаларыңны».

Ә хуҗасы җавап кайтарган: «Яраксыз һәм ялкау хезмәтче! Үзем чәчмәгән җирдә уруымны, утыртмаган җирдә җыюымны белдең!

Шуңа күрә сиңа минем акчаларымны әйләнешкә кертергә кирәк иде – мин әйләнеп кайткач, үземнекен табышы белән алган булыр идем.

Шулай итеп, аннан бер талантны алыгыз да ун таланты булганга бирегез.

Чѳнки кемнең бар, аңа тагын бирелер, һәм аның артыгы белән булыр, ә кемнең юк, аның булган нәрсәсе дә тартып алыныр.

Ә бу булдыксыз хезмәтчене тышкы караңгылыкка чыгарып ташлагыз: анда елау һәм теш шыкырдату булыр».

Адәм Улы Үзенең даны белән һәм Үзенең барлык фәрештәләре белән килгәч, шѳһрәтле тәхетенә утырачак.

Һәм Аның каршына барча халыклар китереләчәк. Ул, кѳтүче сарыкларны кәҗәләрдән аерган кебек, кешеләрне икегә аерачак.

Сарыкларны Үзенең уң ягына, ә кәҗәләрне исә сул ягына бастырыр.

Шунда уң ягында торучыларга Патша: «Килегез, Минем Атамнан фатиха алганнар! Дѳнья яратылган кѳннән бирле сезнең ѳчен әзерләп куелган патшалыкны мирас итеп алыгыз.

Чѳнки ач идем, сез Мине ашаттыгыз; сусаган идем, сез Мине эчерттегез; Мин – чит илдән килдем, сез Мине ѳегездә кабул иттегез;

Параллельные места

Иакова 1:27

Аллаһы Ата Үз каршында саф, тапсыз санаган табыну – ятимнәрнең, тол хатыннарның кайгылары белән уртаклашып, алар турында кайгырту һәм үзеңне, нәҗесләмичә, фани дѳньядан саклау.

ялангач идем, сез Мине киендердегез; авырган идем, сез Мине кайгырттыгыз; тѳрмәдә идем, сез Минем яныма килдегез», – дип әйтер.

Шунда тәкъвалар: «Раббыбыз! Синең ач булуыңны күреп, без кайчан ашаттык; сусаганыңны күреп, кайчан эчерттек?

Синең чит илдән килгәнеңне күреп, кайчан сыеныр урын бирдек; ялангач булуыңны күреп, кайчан киендердек?

Авырганыңны һәм тѳрмәдә утырганыңны күреп, кайчан Синең яныңа бардык?» – дип сорарлар.

Һәм Патша аларга җавабында: «Сезгә хак сүз әйтәм: Минем кечкенә туганнарымның берсенә нәрсә генә эшләгән булсагыз да, Миңа эшләгән буласыз», – дип әйтер.

Аннан соң Ул Үзенең сул ягында торучыларга әйтер: «Китегез Минем янымнан, ләгънәт тѳшкәннәр! Иблискә һәм аның фәрештәләренә билгеләп куелган мәңгелек утка барыгыз!

Чѳнки Мин ач идем, сез ашатмадыгыз; сусаган идем, сез эчертмәдегез;

чит илдән килгән идем, сез Мине ѳегездә кабул итмәдегез; ялангач идем, сез Мине киендермәдегез; авыру чагымда һәм тѳрмәдә утырганда сез яныма килмәдегез».

Шунда тегеләре дә: «Раббыбыз! Кайчан без Синең ач булуыңны, сусавыңны, чит илдән килгәнеңне, ялангач, авыру булуыңны, тѳрмәдә утыруыңны күреп, Сиңа ярдәм итмәдек?» – дип сорарлар.

Һәм шул чакта Ул: «Сезгә хак сүз әйтәм: бу кечкенә туганнарымның берсенә эшләмәгән нәрсәне Миңа да эшләмәдегез».

Һәм алар мәңгелек җәзага, ә тәкъвалар мәңгелек тормышка барачак.

← Предыдущая

От Матфея

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

Выбор основного перевода