Книга От Матфея Cтих 19 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

От Матфея Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

От Матфея

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

Аннан соң, Гайсә янына фарисейләр һәм саддукейлар килделәр. Аны сынарга теләп, Аннан күктән илаһи билге күрсәтүен үтенделәр.

Әмма Ул:– Кич белән сез: «Күк йѳзе кызыл, шуңа күрә һава торышы яхшы булыр», – дисез.

Ә иртән иртүк: «Бүген давыл булачак, чѳнки күк йѳзе кып-кызыл һәм хәвефле», – дисез. Күккә карап, сез һава торышын алдан әйтә аласыз, ә вакытларның билгеләрен аера белмисез.

Явыз һәм иман итмәүче буын кешеләре! Сез илаһи билгеләр таләп итәсез, әмма сезгә Юныс галәмәтеннән башка билге бирелмәс, – дип җавап бирде.Һәм Гайсә аларны калдырып китте.

Шәкертләре башка ярга килеп җиттеләр. Алар үзләре белән икмәк алырга онытканнар икән.

– Карагыз, фарисейләр һәм саддукейлар ачыткысыннан сак булыгыз! – диде аларга Гайсә.

Алар исә үзара: «Ул, безнең икмәгебез булмаганга, шулай әйтә», – диештеләр.

Гайсә, моны белеп, аларга:– Аз иманлылар! Сез ни ѳчен икмәгегез юклыгы турында сѳйләшәсез?

Сез берни дә аңламыйсызмыни? Биш мең кешегә ѳләшкән биш икмәкне оныттыгызмы? Сез ул вакытта ничә кәрзин җыеп алдыгыз?

Ә җиде икмәкне дүрт меңгә ѳләшү хакында? Сез ул вакытта ничә кәрзин җыеп алдыгыз?

Минем икмәк хакында әйтмәвем сезгә аңлашылмыймы? Фарисейләр һәм саддукейлар ачыткысыннан сак булыгыз! – диде.

Шунда алар Гайсәнең икмәк ачыткысыннан түгел, ә фарисейләр һәм саддукейлар тәгълиматыннан сакланырга кушуын аңладылар.

Филип Кайсариясе шәһәре янындагы җиргә килгәч, Гайсә Үзенең шәкертләреннән сорады:– Кешеләр Адәм Улын кем дип белә?

– Берәүләр Аны – Чумдыручы Яхъя, ди, икенчеләре – Ильяс, ә кайберләре исә Иремия яки башка пәйгамбәрләрнең берсе дип исәплиләр, – диделәр.

– Ә сез, сез Мине кем дип беләсез? – дип сорады алардан Гайсә.

– Син – Мәсих, тере Аллаһының Улы, – дип җавап бирде Шимун Петер.

– Яхъя улы Шимун, син бәхетле, чѳнки моны сиңа кеше түгел, ә Минем Күктәге Атам ачып бирде, – диде Гайсә.

– Шуңа күрә Мин сиңа әйтәм: син – Петер һәм бу кыяда Мин Үземә иман итүчеләр бердәмлеген тѳзиячәкмен. Аны үлем патшалыгы җиңә алмас.

Мин сиңа Күкләр Патшалыгының ачкычларын бирермен. Син җирдә тыйганны Аллаһы күкләрдә тыячак, ә җирдә рѳхсәт иткәнне Аллаһы күкләрдә рѳхсәт итәчәк.

Параллельные места

От Матфея 18:18

От Иоанна 20:23

Сезгә хак сүз әйтәм: җирдә нәрсәне тыйсагыз, шуны күктә Аллаһы тыяр һәм нәрсәне рѳхсәт итсәгез, күктә Аллаһы да рѳхсәт итәр. Кемнең гѳнаһларын кичерсәгез, шуныкы кичерелер; кемнекен кичермәсәгез, аныкы кичерелмәс, – диде.

Аннан соң, шәкертләренә Үзенең Мәсих булуын һичкемгә дә әйтмәскә кушты.

Шул вакыттан алып, Гайсә шәкертләренә Үзенең Иерусалимга барырга һәм анда аксакаллар, баш руханилар һәм канунчылар тарафыннан күп газапларга дучар ителергә, анда үтерелергә, әмма ѳченче кѳнне терелтеп торгызылырга тиешлеге хакында ачык итеп сѳйли башлады.

Петер исә, Аны читкәрәк чакырып, каршы әйтә башлады:– Сине Аллаһы сакласын, Раббым! Синең белән мондый хәл була күрмәсен!

Әмма Гайсә, борылып, Петергә әйтте:– Кит янымнан, шайтан! Син Мине вәсвәсәлисең, синдә Аллаһы уйлары түгел, ә кешенеке.

Аннары Гайсә шәкертләренә әйтте:– Кем Минем арттан барырга тели, үз-үзеннән баш тартсын, үзенең хачын алып, Минем арттан барсын.

Чѳнки кем үзенең тормышын саклап калырга тели, ул аны югалтыр. Ә кем үзенең тормышын Минем хакка югалтса, ул аны табар.

Бѳтен дѳнья милкен үзенә алып, җанын һәлак итсә, кешегә моннан ни файда? Ул, үзенең җанын кире кайтарып алыр ѳчен, нәрсә тәкъдим итә алыр икән соң?

Чѳнки Адәм Улы Атасының балкып торган шѳһрәте һәм Үзенең фәрештәләре белән килер һәм һәркемгә аның гамәленә карап бирер.

Сезгә хак сүз әйтәм: монда басып торучыларның кайберләре Адәм Улының Патша булып килүен күргәнче үлемне татымаячаклар.

← Предыдущая

От Матфея

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28

Выбор основного перевода