Книга 1. Коринфянам Cтих 15 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

1. Коринфянам Яңа Гаһед

Яңа Гаһед

От Матфея

От Марка

От Луки

От Иоанна

Деяния

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Иакова

1. Петра

2. Петра

1. Иоанна

2. Иоанна

3. Иоанна

Иуды

Откровение

← Предыдущая

1. Коринфянам

Следующая →

1 2 3 4 5 6 7 8 9 10 11 12 13 14 15 16

Имандашлар, мин Аллаһы Рухына ия булучыларга сѳйләгән кебек сѳйли алмадым, бәлки дѳньяви кешеләргә, Мәсих юлында әле дә имчәк баласы кебек булганнарга сѳйләгән кебек сѳйләдем сезгә.

Мин сезгә каты ризык түгел, бәлки сѳт ашаттым, чѳнки сез ул ризык белән тукланырлык дәрәҗәдә түгел идегез һәм хәзер дә әзер түгелсез.

Чѳнки сез һаман да дѳньяви яшисез. Әгәр бер-берегездән кѳнләшәсез һәм ызгышып-талашып яшисез икән, бу хәлдә сез дѳньяви кешеләр түгелме һәм гади кешеләр кебек эш итмисезме?

Чѳнки берегез: «Мин – Паулныкы», ә икенчегез: «Мин – Апуллусныкы», – ди икән, ул чакта сез гади кешеләр буласыз түгелме соң?

Кем ул Паул? Апуллус кем ул? Алар – хезмәтчеләр генә, һәм Раббы аларның һәрберсенә нинди вазифа бирүенә карап, сез алар аркылы иман китердегез.

Мин утырттым, Апуллус су сипте, әмма үстерүен Аллаһы үстерде.

Шуңа күрә утыртучы да, су сибүче дә түгел, бәлки үстерүче Аллаһы гына мѳһим.

Утыртучы белән су сибүче – асылда бер; әмма һәркайсы савабын үзенең хезмәтенә карап алачак.

Чѳнки без – Аллаһының хезмәттәшләре, ә сез – Аллаһының иген кыры, Аллаһының корылмасы.

Зирәк тѳзүче кебек, Аллаһы мәрхәмәте белән, мин нигез салдым, ә башка берәү шуның ѳстенә тѳзи. Әмма һәркем үзенең тѳзү рәвешенә игътибар итсен.

Чѳнки булган нигездән башка бүтән нигезне һичкем сала алмый, ә ул нигез – Гайсә Мәсих.

Кем дә булса бу нигез ѳстенә алтыннан, кѳмештән, асылташлардан, агачтан, печәннән, саламнан тѳзесә,

һәрберенең эше ачык күренәчәк; ул эшне исә хѳкем кѳне белдерәчәк. Ул кѳн ут белән ачылачак, һәм ут һәркемнең эшен сынаячак.

Кемнең корылмасы исән калса, шул савап алачак.

Эшләгән эше янса, ул зыян күрәчәк. Хәер, ул үзе котылып калачак, әмма ут эченнән чыккан кебек котылачак.

Параллельные места

Иуды 1:23

Башкаларын уттан тартып алгандай коткарыгыз. Ѳченчеләренә исә шәфкать күрсәткәндә, күңелләрегездә курку хисе булсын: шакшы эшләре белән тапланган киемнәреннән дә җирәнегез.

Әллә Аллаһы йорты булуыгызны һәм сездә Аллаһы Рухы яшәвен белмисезме?

Кем Аллаһының йортын җимерсә, Аллаһы аны җәзалаячак. Чѳнки Аллаһы йорты изге; ә ул йорт – сез.

Берегез дә үзен-үзе алдамасын. Кайберегез бу заманда үзен акыл иясе дип санаса, акыл иясе булу ѳчен, ул акылсыз булсын.

Бу заманның акыллылыгы – Аллаһы каршында акылсызлык бит. Чѳнки Изге язмада: «Аллаһы акыл ияләрен мәкерләрендә эләктереп ала», – дип язылган бит.

Һәм тагын: «Раббы акыл ияләренең уйларын белә: алар файдасыз».

Шулай булгач, һичкем кешеләр белән мактанмасын, чѳнки һәрнәрсә – сезнеке.

Паулмы, Апуллусмы, Кифасмы, дѳньямы, тормышмы, үлемме, хәзергеме яки киләчәкме – һәммәсе сезнеке;

сез исә – Мәсихнеке, ә Мәсих – Аллаһыныкы.

← Предыдущая

1. Коринфянам

Следующая →

1 2 3 4 5 6 7 8 9 10 11 12 13 14 15 16

Выбор основного перевода