Ӕвдӕм бон та, сабат, раттут Дунедарӕгӕн, уӕ Хуыцауӕн. Уыцы бон мацы хъуыддаг аразут нӕдӕр уӕхӕдӕг, нӕдӕр уӕ фырттӕ, нӕдӕр уӕ чызджытӕ, нӕдӕр уӕ нӕлгоймаг ӕмӕ сылгоймаг цагъартӕ, нӕдӕр уӕ фос, нӕдӕр уе 'хсӕн цӕрӕг ӕрцӕуӕггаг.
Уыди дзы, йӕ къух хуыскъ кӕмӕн уыд, ахӕм адӕймаг. Ӕмӕ цӕмӕй Йесойы фӕзылын кӕной, уый тыххӕй Йӕ бафарстой: «Сабаты дзӕбӕх кӕнын ӕмбӕлы ӕви нӕ?»
Уӕд синагогӕйы хицау смӕсты, Йесо сылгоймаджы сабаты кӕй сдзӕбӕх кодта, уый тыххӕй, ӕмӕ адӕмӕн загъта: «Хъуыддаг кӕнынӕн ис ӕхсӕз боны. Уыцы бонты цӕут уӕхи дзӕбӕх кӕнынмӕ, сабаты та ма цӕут».
Йесо бафарста динамонджыты ӕмӕ фарисейты: «Сабаты дзӕбӕх кӕнын фӕччы ӕви нӕ?»
Ӕмӕ чи сдзӕбӕх, уыцы адӕймагӕн иудейтӕ дзырдтой: «Абон сабат у, дӕ хуыссӕн хӕссын дын нӕ фӕччы».
Кӕд Моисейы Ӕгъдау нӕ фехалыны сӕраппонд адӕймагӕн сабаты скӕнынц сунӕт, уӕд Ӕз сабаты рынчыны къахӕй-къухмӕ кӕй сдзӕбӕх кодтон, уый тыххӕй Мӕм смӕсты стут?