Фӕлӕ дзы уыдысты цавӕрдӕр асиаг иудейтӕ; мӕ ныхмӕ сӕм исты куы уыдаид, уӕд дӕ разы хъуамӕ лӕууиккой ӕмӕ мӕн зылын кӕниккой.
Фӕлӕ дыууӕ азы фӕстӕ Феликсы раивта Порций Фест. Иудейты зӕрдӕ балхӕныны тыххӕй Феликс Павелы ныууагъта ахӕстоны.
Ӕз сын дзуапп радтон, зӕгъгӕ, зылынгонд чи цӕуы, уыцы адӕймаг цалынмӕ йӕ зылынгӕнджытимӕ лӕгӕй-лӕгмӕ фембӕла ӕмӕ йын йӕхи раст кӕныны фадат уа, уӕдмӕ ромаг ӕгъдау бафхӕрынмӕ никӕй дӕтты.