Аллагь сагъа кёкдеги янгурдан, ерни берекетинден таба тюшюмню, ашлыкъны, чагъырны ниъматын берсин.
Аллагь сени наслунгну артдырсын ва сагъа кёп санавда наслулар берсин дагъы! Бир хыйлы халкълар сенден таба болсун дагъы!
Раббибиз Якъубну къырыйында токътап, огъар булай дей: – Мен Раббимен, атанг Ибрагьимни, Исгьакъны Аллагьыман. Шу сен ятып турагъан топуракъны Мен сагъа ва сени наслуларынга бережекмен.
Якъуб Аллагьдан булай тилей: – Гьей атам Ибрагьимни Аллагьы, атам Исгьакъны Аллагьы, магъа уьюме, къардашларымны янына къайтма буйрукъ этген, магъа яхшылыкъ этежекге ваъда этген Раббим.
Биз ондан чыгъып, Бет-Элге барайыкъ. Магъа къыйынлыкъларда кёмекге гелген, къайда барсам да, мени булан болуп тургъан Аллагьгъа онда мен къурбанлыкъны салагъан ер къуражакъман.
Аллагь огъар дагъы да булай дей: – Мен бары да затны Еси болгъан Аллагьман. Яшлар тапдырыгъыз ва артып йиберигиз! Сенден халкъ амалгъа гележек, кёп халкълар топланажакъ! Сени наслуларынгдан чыкъгъанлар пачалар болажакълар!