Книга Бытие Cтих 9 | Параллельные места

Выбор основного перевода

Открыть комментарий или сравнить с другим переводом

Выбор книги основного перевода

Бытие Ветхий Завет

Ветхий Завет

Бытие

Псалтирь

Притчи

Новый Завет

От Матфея

От Марка

От Луки

От Иоанна

Деяния

Иакова

1. Петра

2. Петра

1. Иоанна

2. Иоанна

3. Иоанна

Иуды

К Римлянам

1. Коринфянам

2. Коринфянам

К Галатам

К Ефесянам

К Филиппийцам

К Колоссянам

1. Фессалоникийцам

2. Фессалоникийцам

1. Тимофею

2. Тимофею

К Титу

К Филимону

К Евреям

Откровение

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Шо агьвалатлардан сонг бираз заман оьтюп, атасы авругъанны эшитип, уланлары Манассияны ва Ефремни де алып, Юсуп ону ягъына геле.

Якъубгъа: – Уланынг Юсуп геле тура, – дейлер. Гючюн-къуватын да жыйып, Якъуб ятгъан еринде олтура

ва Юсупгъа булай дей: – Гьанан топурагъындагъы Луз шагьарда магъа бары да затны Еси болгъан Аллагь гёрюндю. О мени шабагьатлай туруп:

«Мен сагъа наслу бережекмен ва артдыражакъман, сенден таба хыйлы халкъланы амалгъа гелтирежекмен. Бу топуракъны сени наслуларынга даимликге есликге бережекмен», – деп айтды.

Якъуб булай давам эте: – Мен Мисриге гелгинче, сени Ефрем, Манассия деген уланларынг тувду. Гьали буса сени уланларынгны меники болажакъ. Олар Рубим, Симон булан бир тенг болажакъ.

Олардан сонг тувгъан уланларынг буса сеникидир, амма олар оьзлени варислик пайларын агъаларыны пайларындан таба алажакълар.

Мен Месопотамиядан къайтагъанда, Гьанан топуракъда, Эфратаны ювугъунда Рагьилим гечинди. Шонда, гьали Байтлагьам деп айтылагъан Эфратагъа барагъан ёлда, ону гёмме де гёмдюм.

Юсупну уланларына къарап, Исрайыл: – Булар кимлердир? – деп сорай.

– Булар Аллагь магъа Мисриде берген уланларым, – деп жавап бере Юсуп. – Мени ювугъума гелтир, мен оланы шабагьатлайым, – дей Якъуб.

Параллельные места

Бытие 33:5

Исав къатынгишилени ва яшланы гёрюп: – Булар сени кимлеринг бола? – деп сорай. – Булар магъа, сени къулунга, Аллагь Оьзюню рагьмусу булан берген яшлар, – деп жавап бере Якъуб.

Къартлыгъындан Исрайылны гёзлери бек осал гёре болгъан. Юсуп яшларын ону къырыйына гелтире. Исрайыл яшланы къучакълап, оьбе.

О Юсупгъа булай дей: – Мен сени гёрермен деп умут да этмей эдим, амма Аллагьны яхшылыгъындан сени яшларынгны да гёрдюм.

Исрайылны тобукъларында олтургъан яшланы да алып, Юсуп атасыны алдында тобукъдан туруп, баш ура.

Уланларын Исрайылны алдына гелтиргенде, Ефрем Юсупну онг ягъында (Исрайылны буса сол ягъында), Манассия буса сол ягъында (Исрайылны онг ягъында) болгъан.

Тек Исрайыл онг къолун гиччиси Ефремни башына сала, сол къолун буса уллусу Манассияны башына сала. Шоллукъда Исрайылны къоллары чатыраш салынып къала.

Исрайыл Юсупгъа булай дей: – Оьзюню алдында аталарым Ибрагьим, Исгьакъ яшагъан Аллагьым бу яшланы шабагьатласын. Гьар заман да, бугюнге ерли де мени Къойчумдай болгъан Аллагьым,

бютюн яманлыкълардан мени Къутгъаргъан Малайик бу яшланы шабагьатласын. Мени атым да, аталарыбыз Ибрагьимни, Исгьакъны атлары да шо уланъяшлардан таба яшап къалсын. Олагъа кёп наслулар болсун.

Атасы онг къолун Ефремге салгъанны гёрюп, Юсуп бу затгъа рази болмай, Манассияны башына салмакъ учун, атасыны къолун ала.

– О тюгюл, атам. Муна биринчи уланым, онг къолунгну ону башына сал, – дей Юсуп.

– Билемен, уланым. Манассиядан да уллу халкъ амалгъа гележек. Амма гиччиси Ефрем оьр чыгъажакъ, ону наслуларындан кёп халкълар амалгъа гележек, – дей Исрайыл.

Шо гюн Исрайыл оланы булай шабагьатлай: – Исрайыллылар бир-бирин сизин атларыгъыз булан шабагьатлай туруп: «Аллагь сени Ефремдей, Манассиядай этсин дагъы», – деп айтажакълар. Шолай Исрайыл Ефремни даражасын Манассиядан артыкъ эте.

Сонг Исрайыл Юсупгъа: – Мен узакъ къалмай оьлежекмен. Тек Аллагь сизин булан болуп туражакъ, сизин аталарыгъызны топуракъларына къайтаражакъ.

Сагъа мен агъаларынгдан, инингден артыкъ затны беремен: Шегьем тавну беремен. Мен ону аморлулардан къылычымны, огъумну гючю булан алгъанман, – дей.

← Предыдущая

Бытие

Следующая →

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50

Выбор основного перевода