Месопотамиядан сапарын эсен-аман тамамлап, Якъуб Гьанандагъы Шегьем шагьаргъа етише ва ону къырыйында чатырларын къура.
Олар Бет-Элден чыгъып, Эфратагъа етише турагъанда, Рагьил тулгъакъ тутуп аврума башлай.
Рагьил яш табып болмай, бек инжинип тура. Шо заман энечи къатын огъар: – Къоркъма! Къара чы, сени бирдагъы бир уланынг бар! – дей.
Ахырынчы тынышын ала туруп, оьле турагъан Рагьил уланына Бен-Ани деп къоя. Тек атасы огъар Бениямин деп башгъа ат бере.
Рагьил шолай гечине. Ону Эфратагъа (гьали Байтлагьам деп айтылагъан) барагъан ёлну уьстюнде гёмелер.
Якъуб ону къабуруну уьстюне сыйлы таш сала. Рагьилни къабуруну уьстюндеги сыйлы таш шонда гьали де бар.